Urọk akọp obaak nsabọn ibaan̄
25
Jisọs onenito urọk inyi ema ibe,
“Me mgbọ ya,
mkpulu eyi Awaji ìbokup kubọk akọp obaak nsabọn ibaan̄ ebi ìbeben mkpukan̄ kiban̄ ikaan̄ me ubọk inan̄a isibi isi ere ijọk ido-nwa,
ibesi ichichini ogwu enerieen̄ òbodo nwa.
2 Me etete akọp nsabọn ibaan̄ cha,
ene go ìre ebi welewele,
sà ene go kechilọ ere ebi ìriọọn̄ inu.
3 Ene go ebi welewele cha ekpọkpọ iben mkpukan̄ kiban̄ ikeya,
kpeben ofifi aran̄ ukan̄,
ita me lek eyi òkup me emen mkpukan̄ cha gaalek.
4 Ire,
ene go kechilọ ebi ìriọọn̄ inu cha mîben ofifi aran̄ ukan̄ me emen iko igbaalek eyi òkup me emen mkpukan̄ kiban̄.
5 Ogwu enerieen̄ òbodo nwa ya ìkagwat lek inu,
ilaak onyenyieen̄ nsabọn ibaan̄ cha.
Ema elalaak inwọnọ.
6 “Me ejit eririeen̄,
ukpo otataan̄ ibe,
‘Ogwu òbodo nwa înu!
Ìnan̄a ìsibi ìnichichini ọmọ!’
7 “Otutuuk akọp nsabọn ibaan̄ cha eririki,
mè ibolo chieen̄ me ilaak,
mè iyaka mkpukan̄ kiban̄ ibene.
8 Ebi welewele cha enenikibeek ebi ìriọọn̄ inu cha ibe,
‘Ìche sọntiik me lek aran̄ ukan̄ kinyi ìnyi eji,
ke mkpukan̄ kiji òkiniin̄.’
9 “Nsabọn ibaan̄ ìriọọn̄ inu cha efọfọọk ema ibe,
‘In̄-in̄,
eji kpebenyi enyi,
mije,
aran̄ ukan̄ kiji ìkposo eji melek kinyi.
Ìsi lek ebi ìkinyam aran̄ ukan̄ ìsi ìlep eyi kinyi.’
10 “Mgbọ ema ejebe ibesi ilep aran̄ ukan̄ ya,
me udun̄ kiban̄,
ogwu enerieen̄ òbodo nwa ya onunu.
Nsabọn ibaan̄ ebi ìbebem lek cha egọgọọk ogwu ya iraka inin̄ uwu ijọk ido-nwa ya.
Egogon isotu.
11 “Sọntiik mgbọ iraraka,
nsabọn ibaan̄ ebi ìsi ilep aran̄ ukan̄ cha ekaka inu,
mè inikisulu ubọk me isotu ibe,
‘Ogwu nte,
ogwu nte,
soso,
gwuku isotu nyi eji ma!’
12 “Ire,
ogwu enerieen̄ ya ofọfọọk ema ibe,
‘Me atikọ,
ǹkariọọn̄ enyi isi.’ ”
13 Jisọs onenitumu inyi ema ibe,
“Enyi,
ìkup me mbem lek,
mije,
enyi kperiọọn̄ usen ya,
mè ìre mbubak mgbọ eyi Gwun̄ Ebilene mônube.”
Urọk ebi usun̄ ita
14 Jisọs onenito si ofifi urọk inyi ema ibe,
“Mkpulu eyi Awaji ìkup kubọk ogwu enerieen̄ ge òbosi ujọn̄ọ ije,
mè inigwen ebi usun̄ kan̄ ititiin̄,
mè ibene otutuuk inu îkaan̄be itap ema me ubọk.
15 Ene ge ke înyi akpa ikpoko go,
ofifi ene ke înyi akpa iba,
ofifi ene ke înyi akpa ge.
Ìnyi ema ikpoko cha ikpọ me lek efuuk kiban̄,
me ge me ge.
Inyinyi isan̄a,
inanan̄a ije kan̄.
16 Ogwu òbọbọkọ akpa ikpoko go ya osasa eyi kan̄ isi inyam ewe mgbọ yaage,
mè irie oruru akpa ikpoko go itoon̄ me inyọn̄.
17 Ikeya si,
ogwu òbọbọkọ akpa ikpoko iba orerie oruru akpa ikpoko iba itoon̄ me inyọn̄ eyi kan̄.
18 Ire,
ogwu òbọbọkọ akpa ikpoko ge ya okpọkpọ iben ikpoko ogwu ute-uwu ya isi irọkọ ijọn̄ itap,
mè ida achiaan̄ ichit.
19 Nte uwu kiban̄ îkup ifiin̄ enenen sabum înika,
mè inigwen ebi usun̄ kan̄ cha ibe enerọ ifuk.
20 Ogwu òbọbọkọ akpa ikpoko go ya osasa ikpoko kan̄ inifuk ifuk inyi nte uwu kan̄,
mè itumu inyi ibe,
‘Nte uwu,
akpa ikpoko go ke owu onyi emi.
Ire,
nyaka irie oruru akpa ikpoko go si itoon̄ me inyọn̄ ikpoko mbọkọbe.’
21 “Nte uwu kan̄ obebe ọmọ,
‘Owu orọ ijaan̄ enenen,
ata ogwu usun̄ ògbegbe utoon̄-ejit!
Owu ogbe utoon̄-ejit me lek sọntiik inu inen mè inen.
Eya orọ,
mâsa owu irọ ogwu ibot me lek owuwa inu ilile.
Nin̄ na gọọk nte uwu kwun̄ bele ejit.’
22 “Ogwu usun̄ òbọbọkọ akpa ikpoko iba osasa si ikpoko kan̄ inu inirọ ifuk inyi ogwu ute-uwu,
mè ibe ọmọ,
‘Nte uwu,
akpa ikpoko iba ke owu onyi emi.
Ire,
nyaka irie oruru akpa ikpoko iba itoon̄ me inyọn̄ ikpoko mbọkọbe.’
23 “Nte uwu kan̄ ofọfọọk ọmọ ibe,
‘Owu orọ ijaan̄ enenen,
ata ogwu usun̄ ògbegbe utoon̄-ejit!
Owu ogbe utoon̄-ejit me lek sọntiik inu inen mè inen.
Eya orọ,
mâsa owu irọ ogwu ibot me lek owuwa inu ilile.
Nin̄ na gọọk nte uwu kwun̄ bele ejit.’
24 “Me òta kan̄,
ogwu usun̄ òbọbọkọ akpa ikpoko ge ya osasa ikpoko kan̄ inu,
mè initumu inyi nte uwu kan̄ ibe,
‘Nte uwu,
emi nriọọn̄ ibe ke owu miyọt ugwem.
Owu òkirọkọ mfut me ere okawopge,
mè ikititen̄e inu me ere okatọọn̄ge inu geege ìgwook.
25 Eya orọ mfieekbe owot,
mè iben ikpoko ya onyibe emi isi irọkọ ijọn̄ itap,
mè ichit.
Mgbọ yi,
kpọ ikpoko kwun̄ ire eyi,
bọkọ.’
26 “Nte uwu kan̄ ofọfọọk ọmọ ibe,
‘Owu ijo una ifi ogwu usun̄ keyi!
Ire owu oriọọn̄ ibe ke emi ǹkirọkọ inu me ere nkawopge,
mè ikititen̄e inu me ere nkatọọn̄ge inu geege igwook,
27 ìre keke orọ owu òkaben ikpoko n̄a ìsi ìtap me uwu isun̄-ikpoko,
inyi emi ǹnembọkọ ibot ikpoko n̄a melek oruru mgbọ nkabe?’
28 “Ogwu ute-uwu ya,
onyinyi ebi usun̄ kan̄ ida ibe,
‘Ìbọkọ akpa ikpoko ge ya ìsan̄a ene yi me ubọk,
mè ìsa ìnyi ogwu òkakaan̄ akọp akpa ikpoko.
29 Mije,
ogwu òkakaan̄ inu ke ebenyi inu isọkọ me lek,
inyi ikaan̄ iwa igak.
Ire,
ogwu ikakaan̄ge inu,
ìrere sọntiik eyi îkaan̄be,
mêtet ibọkọ isan̄a me ubọk,
inyi ikayaka ìkakaan̄ geege.
30 Enyi isibọkọ ikpoko ya isan̄a,
ìben ijo ogwu usun̄ ya ikakupge me lek inu geege ìtọp ìto me oyet me emen udun,
inyi ikup me ere ya ikito ito,
mè ikitaka ejeek.’ ”
Òta oyerebet Awaji
31 Jisọs onenitumu inyi ema si ibe,
“Mgbọ Gwun̄ Ebilene mônube me ujamgbugbo kan̄,
ọmọ melek otutuuk ebi osat kan̄,
môsiki ikweek me inyọn̄ ogboon̄ ubọọn̄ kan̄ eyi ujamgbugbo eyi emen inyọn̄.
32 Mgbọ ya,
mêtitiin̄ otutuuk ebi ido geelek eyi linyọn̄ keyi me isi kan̄.
Ọmọ mônikiche ema isun̄ irek iba,
kubọk ogwu òkpukpo anam okiche arọọn̄ isan̄a me lek ebot,
33 mè isun̄ arọọn̄ me agan̄ ulom kan̄,
mè isun̄ ebot me agan̄ ujit kan̄.
34 “Mgbọ ya,
Ogwu Ubọọn̄ ya mônitumu inyi ebi ìkup me agan̄ ulom kan̄ ibe,
‘Ìna,
enyi ebi Nte n̄a ogbanabe,
ìniraka ìnin̄ ama ubọọn̄ eyi Awaji onen̄ebe isun̄ iban enyi karake îrombe linyọn̄.
35 Mije,
mgbọ nkupbe me uraafiọọn̄,
enyi mînyi emi inorie.
Mgbọ ebek orakbe emi,
enyi mînyi emi mudim.
Mgbọ nrebe ogwu ichen,
enyi mîgwen emi itap me uwu kinyi.
36 Mgbọ nkupbe njak,
enyi mînyi emi ekwut ǹkwun.
Mgbọ lek n̄a ikanyege,
enyi mîkpọ emi chieen̄ me lek.
Mgbọ nkupbe me mkpọn,
enyi mîkije inikpọ emi.’
37 “Ebi ata irọrọ cha mênikido ọmọ ibe,
‘Okaan̄-ene,
ìre mgbọ owa ke eji emun̄ owu okupbe me uraafiọọn̄,
mè inyi owu inorie?
Sà ìre mgbọ owa ke eji emun̄ ebek orakbe owu,
mè inyi owu mudim ònwọ?
38 Ìre mgbọ owa ke eji emun̄ owu kubọk ogwu ichen,
mè igwen owu itap me uwu kiji?
Sà ìre mgbọ owa ke eji emun̄ owu okupbe njak,
mè inyi owu ekwut òkwun?
39 Ìre mgbọ owa ke eji emun̄ owu okifiak,
mè ikpọ owu chieen̄ me lek?
Sà ìre mgbọ owa ke eji emun̄ owu okupbe me mkpọn,
mè ije inikpọ owu?’
40 “Ogwu Ubọọn̄ ya mônifọọk ema ibe,
‘Me atikọ,
ǹkitumu inyi enyi ibe,
inu geelek enyi erọbe inyi ene ge me lek ebi ngwan̄ n̄a chi,
òrere ogwu irek kan̄ osikibe ichit,
îre emi ke enyi erọ inyi.’
41 “Ogwu Ubọọn̄ ya mônenitumu inyi ebi ìkup me agan̄ ujit kan̄ cha ibe,
‘Ìje ìnan̄a emi me isi,
enyi ebi Awaji ochobe ataak inyi!
Ìje ìsi ìnin̄ emen ukan̄ eyi òkisak ire mgbọ geelek,
eyi esọkbe iban Yọk mè ebi osat kan̄.
42 Mije,
uraafiọọn̄ îtaka emi,
enyi kpenyi emi inorie ǹrie.
Ebek îrak emi,
enyi kpenyi emi mudim ǹnwọ ǹsiki ebek.
43 Emi nnu ichen,
enyi kpegwen emi itap me uwu kinyi.
Emi nkup njak,
enyi kpenyi emi ekwut ǹkwun.
Emi mfiak orukan̄,
enyi kpekpọ emi chieen̄ me lek.
Emi nkup me mkpọn,
enyi kpeje inikpọ emi.’
44 “Ebibi mênenido ọmọ ibe,
‘Okaan̄-ene ìre mgbọ owa ke eji emun̄ uraafiọọn̄ okitaka owu,
mè imun̄ ebek orakbe owu,
mè imun̄ owu kubọk ogwu ichen,
mè imun̄ owu okupbe njak,
mè imun̄ ibe lek kwun̄ ìkanye,
mè imun̄ owu me mkpọn,
mè ijit itatap ubọk inyi owu?’
45 “Ogwu Ubọọn̄ ya mônenifọọk ema ibe,
‘Me atikọ,
eyi enyi ejitbe irọrọ inu chi inyi ene ge me lek ebi ngwan̄ n̄a chi,
òrere ogwu irek kan̄ osikibe ichit,
îre emi ke enyi ejit irọrọ inyi.’
46 “Ebi ife cha mênenije inan̄a isi inin̄ me osusut eyi mgbọ ikakaan̄ge itata.
Ire,
ebi ata irọrọ cha mênenisi inin̄ me ugwem ikakaan̄ge itata.”