24
3 Ñu 'unainra 'iti ax ka an xubu upíokin 'akë unisa 'ianan,an upíokin sinaínraxun ñu 'akë unisa 'ikën;
4 usa 'ixun ka upíokin sinánxun,
aín katakama anu ñu upíbu bixun bukúnti 'akë usa 'ikën.
5 Uni ñu 'unán ax ka kushi unibëtan sënë́maira 'ikën;
ñu 'unánti ax ka unin kushisamaira 'ikën,
6 usa 'ain ka bëtsibë 'akananuxun uisoxun 'ati kara kixun pain sinántankëxun 'ati 'ikën,
usa 'ixun ka an 'unánkë unikaman kakësabiokin 'ai abë 'akanankin kupitanuma 'ati 'ikën.
17 Axa mimi nishkë uni uisa ñu kara inuti tatíki pakëtia iskinbi,
kamina ami kuai kuëënkin fiesta 'atima 'ain,
18 usakin 'aia ka Diosan a upí istima 'ikën,
usa 'ain ka Diosan nishkinbi uisabi otima 'ikën.
19 An ñu 'atima 'akë unikaman uisa ñu kara 'akëbëbi kamina ami nishtima 'ain,
'ianan kamina an bana kuakëma unikaman ñu 'aiabi a istisama tani nutsitima 'ain,
20 usa 'aínbi ka an ñu upima 'akë unikaman upioxun ñu mëëkinbi sënëoima;
¡usa 'ain ka an ñu 'atima 'akë unikamax tirí bënankëx bamakë 'iskësashi atun tsóti 'iti 'ikën!