SALMOS
'Uchañuma unikama kuëënmainun 'uchañu unikama kuëëntima bana
1
Ui unin kara ñu 'atima 'akë unikaman 'ësëkin kakëxunbi an kakësa okin aima,'ianan, uni 'uchañu kamabë nitsi 'uchaima bëruankakin bëtsi ñukamaribi 'aíma 'ianan axa Diosmi kuai banakë unikamabë nitsima, ax ka chuámarua tani kuëënti 'ikën,
2 usai 'ikin ka Diosan bana kikësa okinshi 'akin, a manukinma nëtën 'ananbi imë́ribi a bana ënkinma 'ati sinania.
3 A unix ka baka 'urama nikë i aín tapun me 'ukëmëu kuani nikë axa tuákësa 'ianan,
uínsarabi aín pëchi chushi rëukukëma usaribi 'ikën. ¡Usa 'ain ka kamabi an 'akë ñukamax upí 'ia!
4 Usa 'aínbi ka an ñu 'atima 'akë unikaman 'akë ñux usai 'ima,
usa 'aish ka atun 'akë ñux ni pëchi chushikë suñun tákakin pukë usaribi 'ikën.
5 Usa 'ain ka an ñu 'atima 'akë unikama atux Diosan 'atima okë 'aish.
Anúan an ñu upíokin 'akë unikama 'ikë anu 'itima 'ikën.
6 Diosan ka an ñu upíshi 'akë unikama atun tsóti bërúaia,
'aínbi ka an 'atima ñu 'akë unikamax 'aisama ñu 'ai anunbi 'atimatia.