Diosan kaískë uni 'apu 'iti ñuikë bana
2
¿Uisakatsi kara uni 'uchañukama tsuákiruax Diosmi banain?¿Usai 'ikin kara usokin 'anuxumabi uisakin 'ati kara ñu 'ikë kixun sinánkanin?
2 Ënë menu 'ikë 'apukama an bana mëníokën
ka atúnbi timë́xun uisakin kara,
'ain 'Ibukëñun an kaískë 'apu 'ati 'ikë kixun sinánkania.
3 Sinani ka atuxi munuma banai kikania:
¡Usakin 'akin kananuna atun kushian an kuëënkësokin nu 'anun 'amitima 'ain!
¡Usai 'ikananuna atun ubiokëma bukuti 'ain!
4 Usai atux 'ikëbëbi ka Dios naínu 'apu 'ikë,
ax atumi kuaiti 'ikën;
5 usai 'itankëx nishkin ka atu ratuti 'ikën; kushiira atumi nishkin ka ësokin kati 'ikën:
6 'ën kana axa 'apu 'iti uni anëan, usa 'ain ka aín bashi upí Sión kakë anu 'apu 'iti 'ikën.
7 'Ëx kana uisakin 'ati kara Diosan sinánxa a ñui kiti 'ain, an ka ësakin 'ë kaxa:
Mix kamina 'ën bakë bëchikë 'ain; usa 'aish kamina bërí 'ën bakë bëchikëira 'iti 'ain.
8 'Ë kamina bëtsi bëtsi mekama minan 'inun ñukáti 'ain,
ñukákëxun kana uinu kara me kuainakëtia abi 'ën mi 'inánti 'ain.
9 Usa 'ain kamina min kushin kamabi 'apu 'atimakama;
¡kamina me 'akë kënti tukapakësa okinshi 'ati 'ain kixun ka 'ë Diosan kaxa kiax ka 'apu kiaxa!
10 'Apukama 'imainun an bana mëníokë unikama ënë menu 'ikë mitsun kamina ënë bana kuati 'ain,
¡Kuakin kamina upíokin ënë bana sinánkanti 'ain!
11 Dios rabikin kamina kuëëni shaíkikin rabikanti 'ain;
usakin 'ai ka ami rakuë́kanti 'ikën,
12 usa 'ain kamina Dios ax nishkima mitsu,
'aisama okin tëmëramia usa 'ain rabikanti 'ain.
¡Diosan ka axa ami katamëkë unikama chuámarua tania ami sinani kuëënun 'imia ësai ka Diosan kaískë unikama kiakëxa!