23
4 Ñuñu 'iti sinani kamina 'itsaira ñu mëi tëmëratima 'ain;usai 'ikinma kamina 'itsairami sinánkë a ënti 'ain.
5 Usa 'ain ka upíokin min iskë ax bënëtishi tëtëkamë 'ëo aín pëchi,
'irui nuankiani kuankë usaribi 'inun nëtë́tia.
19 'Ën bakë bëchikë upíokin kakëxun kamina 'ën bana kuakin 'unánti 'ain;
usa 'ain kamina upí ñuishi 'ati sinánti 'ain.
20 An ñu paë xëax paë́nkë unikama 'imainun,
pikën tankëma 'ixuan 'itsaira pikë unikama atubë kamina timë́tima 'ain,
21 axa paë́nishi nikë 'ianan piti pishi nikë unikama axribi ka anunbi ñuñumaia,
usaía atux 'imainun ka chikish unikama axribi chupa xëni unin rakankë bikë tukibukëra pañuax kuaínbëkini nitsia.
22 An mi bëchia min papan, kakëxun kamina aín bana 'upiokin kuati 'ain;
min tita kamina kaniakëtia, kuëënkima istisama tantima 'ain.
23 'Aisamaira ñu 'unámikin, 'ësëkë 'ixun
kamina bëtsi ñu 'akin uisa 'ixunbi a manutima 'ain.
24 Uinu 'ikë unin bakë bëchikënëx kara ñu 'unánkë 'ianan,
upí 'ikë an ka aín papa upí tani chuámarua 'inun 'imia;
25 ¡usa 'ain kamina, min papa 'imainun min tita chuámarua tani kuëënun 'imiti 'ain!
26 Mix 'ën bakë bëchikë 'ixun kamina, 'ën mi kakë banakama kikësokin kana 'ati 'ai kixun 'ë kati 'ain,
usa 'ain kamina 'ën mi 'unánmikë banakama axa min 'unánkë 'inun 'imiti 'ain;
27 Xanu 'unánkëma bëtsi bëtsi unibëa 'ikë,
ax ka me nëminra 'itánun aín ana chukúma 'inun nëmionkin naëkësa 'ikën;
28 'Ianan ka a xanux, an ñu mëkamakë uníxa aín ñu binuxun uni 'anux unëkë usaribi 'ikën,
usa 'ixun ka 'itsaira uni aín nami 'ai anuribi anuribi kuankin ñu 'atima 'anun 'imia.
29 ¿Uix kara tëmërain? ¿Uix kara bëtsimi manánti 'it?
¿Uix kara mëëanantishi sinani nianan 'atima ñu 'ax masá nuituti nitsin?
¿Ui kara ñu 'atima 'akëmabi bëtsi uni 'atimokin ñun tëain?
¿Ui kara 'itsaira ñu paë xëai aín bëru chëxë kuatsinxun isin?
30 Ax ka uínsaranbi an bëxnan xëakin ënkëma unikama 'ianan,
an barixun anun paë́nti bërí 'akë bëxnan bëtsi uni xëakinkë unikama ax ka usai 'ia.
31 Usa 'ain kamina a xëax paë́nti 'akë a istima 'ain.
¡Ax ka xëanuxun anu 'arukë ñunuax xëaishitisa 'itanun 'ia!
¡Usa 'ikë ka unin a xëakin upí tania!
32 'Aínbi ka upitankin xëatankëxunbi unin runun 'akëxun,
aín paë tankë usaribi tani, an xëakë anbi 'aisama okëx bamaia.
33 Usakin xëakëxun ka mi bëtsi ñu ismianan,
min kuëënkësoimi sinanima bananun 'imia;
34 kamina achúshi nunti chaiiran parúmpapan bëchunkin shaikakësa usaribi kuankin tanti 'ain,
'ianan kamina anubia nitsínkë i aín rëbunu 'uxax rakakësa tanti 'ain,
35 tani kamina kiti 'ain: 'Ë ka mëëkanxa, 'ixunbi kana tankëma 'ain; 'ianan kana 'ëa rishkikankëxubi 'unánkëma 'ain; usakin 'akëxbi kana usabi bësukiani amiribishi ñunshinkiani a xëati baritëkëni kuanti 'ain.