An ñu 'unankë unikama kia ñuikë bana
22
Usai ka a uni tsotia kixun unin ñuia kuakë ax ka,kuri 'imainun kuríkiñu 'ikë usamaira 'ikën.
2 Ñuñu uni 'imainun ñuñuma uni ax ka:
a rabë́bia Diosan unio 'ikën.
3 Uni an sinánkin ñu 'akë an ka 'aisa 'ikëbi a 'axi 'aisama 'iisa iskin ñu 'aima;
'aínbi ka sinánñuma uni ax kuainxunshi ñu 'akë anunbi tëmëraia.
4 Upasara 'ixun ax kikësabiokin Diosan bana 'akë,
ax ka ñuñuira 'i kuëëni upiti tsókë usamaira 'ikën.
5 An ñu 'atimashi 'ati sinánkë unikama aín tsóti ax ka anu ñu pakëti unin unëkin 'akë usarabi 'ikën;
'aínbi ka axa bërúankati nikë uni ax añu 'ati kuëënima.
6 Min bakë bëchikë kamina xuratsu 'ikëishi uisai kara tsóti 'ikë kixun 'unánmiti 'ain,
usokin 'unánmikëxun ka kaniakëkinbi sinánkin min 'unánmia bana a manutima 'ikën.