Diosan ka uni tsóti bërúaia kixun ñuikë bana
20
A xëati paëokin uvas baka 'akë an ka xëakëxun uni sinanimaishi bananun 'imia;usa 'ixun ka a xëati paëokin 'akë a xëakinxun bëtsi unikamabë banakin sharákinia; usai 'ika;
uisai kara banati 'ikë kixun sinanimaishi banaia.
2 Achúshi 'apu nishkë ax ka paru 'inúan kuëërui banakë usaribi 'ikën;
uin kara nishmia aka nishkin uisa kara okatsia usakin 'ati 'ikën.
3 Ui unin kara 'upiokin sinani bëtsibë mëëananti sinanima a unix ka usa ka kixun unin rabikë 'ikën,
'aínbi ka ñu 'unánkëma uni ax kuni usai 'ia.
4 Uin kara anun naëoti baritia 'aínbi 'aisamatani chikishkin naë oima;
an ka anúan unin ñu 'apáxun aín bimi biti nëtë 'ikëbëtan bisa tankinbi anua biti 'aíma 'ain bitsima.
5 Bëtsin 'unánnuma 'aisa tankin sinánkë ñukama ax ka 'umpax nëminsaribi 'ikën,
usanu 'ikëbi ka uix kara sinánñuira 'ikë an bëríbi 'unania.
6 Anu ka 'itsaira uni axa 'ën kana mi uisabi otima 'ai kiax banakë uni 'ikën,
'aínbi ka uinu 'ikë unínbi asérabi ami 'unánmaisa uni mëraima.
7 ¡Diosan ka chuámarua 'inun unin bakë bëchikëkama 'ain papan ñu 'unámikin,
kanioxun ënkë a unikama aín papa tsóasaribi 'inun tsónun 'imia!