1-2 Hari. Arabo kaka'da'dini hiki ada Xerxes, va'ora honaria'iki adani kidiarabo hahavi kaija'arini badani khanakia. Arabo ipohiki-ra visari'iki adani Xerxes, kidisorara khama, oniani ida arabo kaija'arini vakadijiniro, vakadinahina hiki-ra avarakhabakhiavini hija Xerxes kania. Xerxes kajirihi abonoa vanajirihahavi'iki ida kidibadani, kidiamonahi, nahina hahavi namitha'iki hiki kidija'ari-ra vaka'da'divini oadani. Hojaki ida athi jiriki Média, Pérsia hiki kaaraboni kaka'da'dini kabadani jiriki kania.

3 Xerxea bihonariaha ada Mordecai kidihonai abono hina. Karahoki ida kidibadani, va'ora vaka'da'diki adani Xerxes kaaraboni kaija'arini. Biakadava'aki ida Xerxes kanahiina hahavi. Xerxes hoarana bivaka'da'diki ada Mordecai. Mordecai vani ada Xerxes kaaraboni kaija'arini-ra va'ora vaka'da'dira. Judeus kaija'ari hahavi vavajahaki ada Mordecai. Vavava'iha'aha. Mordecai va'ora kakodiaki adani kidija'ari a'ba'dija kaimoni ida vakadimahi jahajahani.