2 Vaꞌora onavaꞌisohiꞌianaki bana adani hojai asohirikia asia vakahojaiki,

ijaꞌari vahoariha vihiki.

Ohojaꞌina ꞌbamija avakadiania aꞌonira okaabaniꞌiki ho avakadihojaia.

Ohojarina oadani odioniꞌianaki hida kodikaabanahi athini papira,

avakavaꞌipahinikaꞌoaja kaimoni ida hojai Deua bivajahariki.

Ookhaꞌianana kamahini ijaꞌari hojai asohirikia vakahojaikia vagathaniki bana ida hojai asohiriki abosini.

Ni-hoarani aihotaki bana.

3 Avanofiki ida Cristo athi-ra onamonivini kaꞌoa hini-ra avarigavini.

Avakadiania ohojaꞌianana Cristoa binaabosihi ida avakadihojai asohiriki,

avanokiki bana ida danona kodiania hojaki.

Bikaabokaki ida aꞌonira nasohivini.

Danoki ada.

4 Kaꞌoa hiki ida ava akasanakhamakia abiniꞌina danorina.

Hidakabaꞌi hokiki ada Cristo,

danoꞌiki ada.

Deua binanokiaꞌiki ida danona Cristo-ra anahokiꞌavini.

Danorina vani abiniꞌara ada.

Harivani Cristo athi avaadahaoniva abono kidiania aakaramisina vani adanorija.

Hari.

Corinto sidajia avakadiania arihojana kamahini,

Cristo hokiki kania aakaramisiki hari.

Deus danona hojaki bana akadiania,

akaabokaja kaimoni ida aꞌonira akajoamoravini.

5 Avaabononi vakaijoꞌa bana mahija Jesus Cristo kaijaꞌari kaꞌoa avihini-ra avarigavini.

Cristo kaijaꞌari avihini kaꞌoa hihi;

avavaꞌini bodinia ibaviha.

Avavaꞌini bodinia ibaviriha;

ni-kaꞌoa hiki ida Cristo kaijaꞌari avihini.

Ibaviriha;

Cristo kaijaꞌari avihini-ra avaragarihi.

6 Avarigavini onofiki ida Cristo athi avaadahaoniva abono arihikaꞌoana.

Ni-aragariki ida ariabono akaijoꞌavini.

7 Deus kania akanikhariaki ida hojai asohirikia avakahojairini.

Avakadiania akaikahina kamahini ni-anofiki ida Cristo danona ijaꞌari-ra nasohiki namithani avakadiania,

avarigaja kaimoni ida kaꞌoa hini Cristo haria karonavini.

Anofiki ida avakadihojai sohikaꞌoani-ra akaragavini.

Ni-onofiki ida aꞌonira oakaraganahavini kavaranihi asohini.

8 Ni-akaabokaki ida Deus athi kaꞌoa-ra anadabavini.

Deus haria noꞌavini hiꞌiki ida danona,

aakodiaja kaimoni ida athi kaꞌoa hini akarafarakhamani.

9 Khai aniꞌaki ida ariabono danorini,

danoja kaimoni ida Cristo-ra avavakaijokavini.

Deus kania akanikhariabakhiaki ida avakadimahi-ra nasohikaꞌoavini bana.

10 Avakadiania okaikahina viahania oathi kapapirania aꞌonira okajirihivini hiki,

avanasohija kaimoni ida avakadihojai.

Okaikahina kamahini avakadiania,

ni-onofiki ida aꞌonira okaꞌdaꞌdigariavini.

Deus hora noꞌavini hiꞌiki ida danona avajariꞌdarini-ra onadanoja kaimoni.

Ni-onofiki ida Deus danona ovahojakia avajariꞌdarini-ra onathararaki fori ohina.

11 Hari,

oigamina.

Aꞌonira okaaminaꞌiki bana ho.

Avaabononi vanadano bana mahija avakadimahi sohikaꞌoavini.

Mitha vaniꞌa bana hida oathi papira hojaki mahija avanaabavini.

Avakadivaꞌibodivarani akarajomakhamava bana mahija avaabononi avarakanajahamisikhamavini.

Onofiki ada Deus avakadiania hojahahaꞌoadahana.

Ovari haria nakaidivaki ada,

haria noꞌavini hiki ida vaꞌi jahajahani jaboni.

12 Avaigamini-ra avakaꞌivanitihi,

avaabononi avakanakaidivakhamajahakivini-ra vananokia bana.

13 Deus kaijaꞌari kodiania vahojaki aꞌonira vakaꞌivanitiki hadani.

14 Onofiki ida akadikaꞌdaꞌdi Jesus Cristo aꞌonira kajoamorahaꞌoadahavini.

Onofiki ida Deu-ra avanofijahakivini.

Onofiki jaboni ida Maꞌonahai Jahaki khama avarajahamisihahavini.

Nimania hida Deu-ra okanikhariavini avakadimoni hahavi.

Hari ida vani oamani kodivarani anokhomiꞌini.

Paulo athi hida.