2 Ihimiki bana ida avakadinahina kaidivaki.

Vaꞌbaꞌba binakavithimaki bana ida avakadimakari kaidivaki jaboni.

3 Korikorikia binakavithimaꞌiki bana ida avakadiꞌouro,

avakadijiniro hiki,

ni-jahajanaki.

Korikorikia binanokiaki ida avakadihojai asohiriki jaboni,

jiniro-ra avanajoroniꞌimarinivini.

Korikoriki nahina-ra nihimavini fori hiki bana ida siho avaimani-ra kanihimavini.

Maakariki ida mahi Deus hahavi-ra nihimavini kamahini.

Aꞌonivani avaabononi avakanakaꞌaajovini hiki ida avakadijiniro.

4 Ni-vaꞌora avanaabosiki adani makhira avakadisiroia bada vakhaniki vakadibadani abosinia.

Mitha vaniꞌa bana ida vaꞌora avanaabosiravinia vakavaranina.

Vaꞌdaꞌdigariana vaꞌora naꞌdamoꞌdamovini vabodiꞌbarahana.

Deus danokia bikamithaꞌiki ida avakadisiroia vakabadaniꞌina vakadibodiꞌbarahi athini.

5 Ni-nahina-ra avakainamoꞌiki araboja avahojani oadani.

Avakapavakarihahaviꞌiki ida nahina avanofiki,

avaabononi khai avaniꞌaja kaimoni.

Ijaꞌari igitha-ra nabasinaki binaabinivini viahania,

onivani fori hija ida avakadinahina ipohiki aꞌonira nabasinavini.

6 Hari.

Ijaꞌari vakanahinaꞌahapikiki,

aꞌonira onavaꞌisohiꞌianaki ho.

Vaꞌora avarakaraganahaki adani ijaꞌari hojai jahakia vakahojaiki,

badani asohirikia vakabadaniriha adani.

Nimania ida vaꞌora avanaabinivini hiki kaimoni.

Ni-vakaabokaki ida avasaꞌani kabodinia vaabono avakavaꞌijoavini.

7 Oigamina,

avajahariharini kabaꞌi,

vanokhahahaꞌoadaha bana ida akadikaꞌdaꞌdi kaꞌoa joina kamahini.

Vakavaꞌibodivarani bana ada siroihi abono niha ninina kidirakhajahi bononi-ra nokhavini.

Mahi ipohikia binaviahanokhaki ida kidisiroi kania kidirakhajahi movani,

avijavani,

bononi.

Binaviahanokhaki jaboni ida bahi khararina badara kamaꞌdani viahania,

badara anokhomini.

8 Onivani fori hija bana ida akadikaꞌdaꞌdi kaꞌoa joina-ra avanaviahanokhavini.

Hariꞌa vakavaꞌipahini ida avanaviahanokhavini bana.

Maakariki bana ida mahi akadikaꞌdaꞌdi joina kamahini.

9 Oigamina,

hariꞌa avaabononi vaakaꞌdaꞌdigariakhama bana mahija Deus avakadihojai jaharini-ra kahiravini.

Maakariki bana ida ijaꞌari nasohiva abono kaikahina,

nokiajorakiki bana ada.

10 Oigamina,

vakavaꞌibodivarani bana ida Deus athi namoniva abono kohana varani vihina,

niha vakhanikhanina.

Deus vaꞌora karonaꞌiki adani vaꞌora navaꞌisohivini hiꞌiki jaboni ida athi vanamonija kaimoni ijaꞌari vakadiania.

Deus athi-ra vakajoniki vaꞌora vanajahariharibakhiavini,

kabaꞌi ni-Deu-ra vakavaꞌipahiniꞌiki.

11 Vakavaꞌipahiniravini mani ida ijaꞌari khai vakhanikia vaꞌora anaonivini hija.

Avakamithaꞌiki ida Jó kohana varani hina Deu-ra vakaijokavini niha ninini.

Avarigaki jaboni ida mahi ipohikia Jó imana ꞌbanani karaho-ra kamithahahaꞌoadahavini kabaꞌi,

ni-Deu-ra kavaꞌipahiniꞌiki,

oniani ida imana ꞌbanani radahani naothinia,

Deus Jó kanahina-ra najoivini-ra anarafiavini hiꞌia.

Deus kahojai ida ijaꞌari-ra vaꞌadivini-ra anarafiavini,

vaꞌora nakaidivavini jaboni.

12 Hari.

Oigamina,

hariꞌa vidioniꞌimarini ida nama onini,

arabo onini,

onii hoariha ijaꞌaria biogaja kaimoni ida anavaꞌiponiꞌimariniravini.

Ijaꞌari-ra anavaꞌiponivini kamahini kaꞌoa hiki ida haꞌa,

niki vidioni bana ida haꞌa.

Kaꞌoa hiki ida iniani,

niki vidioni bana ida iniani.

Hariꞌa Deus onina-ra vidioniꞌimarini,

oniani ida Deus avakadivarani asohirini-ra kahiravini hija.

13 Hari.

Deu-ra vara niꞌava bana ida ijaꞌari vaꞌini rogo iniki avahararania hojaki.

Ahiava bana ida ijaꞌari hoariha vaꞌini khaii niki,

Deu-ra khai niꞌavini.

14 Cristo kaijaꞌari vahararana hojahi ida ijaꞌari kavamoniki,

jahaki ida Cristo kaijaꞌari navaꞌisohiva abono-ra vaꞌora baranahavini.

Kidiania vakaikahina,

vakanikhariaki bana ada Deus,

bianaihotaja kaimoni ida ijaꞌari kavamoniki.

Vakaraviso bana ida basina kapaꞌitxi athania Cristo onina-ra vidionivini kabaꞌi,

Cristoa bikajoamoraja kaimoni ida ijaꞌari.

15 Cristo kaijaꞌari vanavaꞌisohiva abono Cristo-ra vavakaijokadorokia vakanikhariahi;

aihotahi ida ijaꞌari.

Jahaꞌianahi ida ijaꞌari kavamoniki kamahi.

Ijaꞌari kavamonikia bada biniꞌaki vahabini ida hojai Deua bivajahariki.

Bada biniꞌahi;

abononi kaꞌdaꞌdigariahi,

Deua binaꞌbirahi ida kidihojai asohiriki.

16 Oniania,

avaabononi vakananamithakhamavinihi bana ida avakadihojai asohiriki mahija Deua binaꞌbiravini.

Deus kania avaabononi vaakanikhariakhama bana jaboni mahija Deus aꞌonira anaihotavini.

Ijaꞌari Deu-ra nofijahakiki Deu-ra kanikhariaki;

bona namithahi afojahaki ida bikanikhariaki.

17 Haria okavarajomivini hiki bana ada Elias kohana.

Makhira kaꞌoa hina kabaꞌi,

Deus danona kidiania hojaki.

Hari fori hiki ada Elias oniki.

Deu-ra kanikhariadanokiki ada,

bahi khararijanarara kaimoni,

oniani ida badara ahoarabakosiki badara hoarani bobini hiki bahi-ra rakhararijanarija.

18 Oniaroa,

Deu-ra kanikhariaꞌianaha,

kharariꞌianara kaimoni ada bahi,

khararimaniꞌaha.

Movaꞌianahi ida ijaꞌari vakadirakhajahi.

19-20 Oigamina,

onofiki hida kodivarani-ra avarigavini.

Hojaki vahabini ida Cristo kaijaꞌari hojai asohirikia kabadaniꞌianaki.

Biragariki fori hiki ida hagihi Deus kania okhaki.

Cristo kaijaꞌari hoariha bivajoiribaniki fori hiki ida ijaꞌari akamadaki.

Biakodiaki ida hojai asohiriki-ra kavaꞌipahinikaꞌoaꞌianavinia.

Binajoiribanivini vani biakavaꞌijoaja ida ijaꞌari akamadaꞌiki,

Ibavi Jaharikaꞌoaki kania okharia kaimoni.

Deua binaꞌbiraki bana ida hojai asohiriki ipohikia kabadanini.

Hari ida vani oamani Tiago athi anokhomini.