2 Deus akadiabiꞌi haria nagathogathojoravini hiki kidijaꞌari arihija kaimoni.

Maꞌonahai Jahaki avaꞌi-ra nahonariahihivini mani ida Deus kaijaꞌari vajahakaꞌoaki haria nihaja,

haria kaꞌojomoꞌija kaimoni ida Jesus Cristo athi-ra anaabajahakivini niha ninini.

Haria nagathogathoꞌiki ada,

binaꞌbiraja kaimoni ida akadihojai asohiriki.

Jesus Cristo amana haria sokoki fori arihina mani ida haria najahakaꞌoaja.

Arigamina,

onofiki ida Deua bianarafiavini aꞌonira kajoamoravini,

avijavani jaboni ida avavaꞌini jahajahani afohaꞌoadaha.

3 Jahakaꞌoaki ada Deus,

khai aniꞌava.

Akadikaꞌdaꞌdi Jesus Cristo kaabiꞌi ada.

Haria nakaidivakarahoki ada.

Deus Jesus Cristo-ra anahokivini mani ida akadimahi jaꞌdini anokhomirikia haria noꞌavini hija,

oniani ida nahina jahakia haria kaibavijahahivini hiki-ra anokhavini hija.

4 Akhanina vani anokhaja ida nahina jahaki arafiaki haria navaꞌiponivini hiꞌiki-ra agathanivini.

Deus kaijaꞌari arihina mani ida nama kidiania haria noꞌavini hiki kaimoni-ra vahojavini hija.

Nahina jahakaꞌoaki Deua binaibavijahaki akadimoni hini.

Ni-nahina binihimavini bikaabokaki,

aꞌboꞌdaki ida.

Kaidivahaꞌoadahaki ida.

5 Akadimoni ida Deua binaibavijahaꞌiki.

Deus danona mani ida vakaijokana hiki-ra akadavaꞌavini-ra kaabokavini hija.

Haria akavaꞌijoaꞌiki ada.

Hidiaja mahi anokhomini vani Deua binanokiaki bana ida niha ninini haria akavaꞌijoavini aꞌdiahini.

6 Khai aniꞌava ida Deus haria akavaꞌijoaꞌavini.

Nahina ipohiki hidiaja namithaki avaꞌi-ra rogo aniꞌaki,

oniani ida avaꞌi-ra namokaraja,

kabaꞌi khai aniꞌava ada Deus.

Ni-badara ipohiki avaꞌini rogo iniki hidiaja.

7 Deua bivaꞌahaki ida nahina avaꞌi-ra rogo aniꞌaki akadiania haria kaijoꞌara kaimoni,

binanokiaja kaimoni ida Deu-ra avakaijokadorovini kaꞌoa hini kaꞌoa hirini.

Hari.

Okavarajomiki bana ida Deus haria kaijoꞌavini ouroa.

Jahani kabaꞌi ida ouro,

ijaꞌaria bikaabokaki ida binihimavini.

Jahani arafiaki ida Deu-ra avakaijokavini.

Ijaꞌaria bikaijoꞌaki ida ouro jahaki siho kahaꞌdiki kabodinia binahojahaꞌihi.

Onivani fori hija jaboni ida Deus haria kaijoꞌavini,

binanokiaja kaimoni ida Deu-ra anofidorovini kaꞌoa hini kaꞌoa hirini.

Bivaꞌahaki ida nahina namithani avaꞌi-ra rogo aniꞌaki,

binadanoja kaimoni ida avakaijokahaꞌoadahavini.

Akhanina vani Jesus Cristo joina kamahini vahoariha vaviaha Deus haria niꞌaja:

—Jahaki ida avakadihojai.

Hora avavakaijokahaꞌoadahavini mani ida ojahana,

odanona,

ovagana,

kodiꞌogahai hiki-ra avagathanivini hija — niha.

8 Hari.

Avanokiravini kabaꞌi ada Jesus,

avanofijahakiki ada.

Avanokiꞌiariha kaho ada,

kabaꞌi avavakaijokahaꞌoadahaki ada.

Avakhanini vani khai avaniꞌara ada.

Arafiaꞌoamanija ida avakadivaꞌikhaiini.

Ni-avakaabokaki avananamithavini niha ninini.

9 Cristo-ra avakaijokavini mani ida Deus haria akavaꞌijoavini hija,

oniani ida haria khai niꞌakarahoja.

10 ꞌBoꞌdakari Deus athi namoniva abono kohana vakavaꞌibodivaranibakhiaꞌiki ida niha ninini Deus ijaꞌari-ra akavaꞌijoavini bana.

Avigavini vanofikarahovini mani ida vajaforia avigavini vanakoꞌdibakhiavini hija.

Deus athi namoniva abonoa vavavaꞌisohihijoravini kabaꞌi ida Deus ijaꞌari-ra akavaꞌijoavini niha ninini bana,

ni-avigajahakiki afojora ida vakadivarani vara vavaniꞌaki.

11 Vakavaꞌibodivaranibakhiaki ida hana hini mahi,

badara hana hini namithani,

niha ninini ida Deus ijaꞌari-ra akavaꞌijoavini kamahini.

Maꞌonahai Jahaki vavaꞌi binahonariahihivini vani vavavaꞌisohihijoraja ida namithaki kaimoni.

Vavavaꞌisohihijoraki ida imai ꞌbanani karaho Cristoa bikamithaki bana.

Vavavaꞌisohihijoraki jaboni ida Cristo kamahi jahaki,

vagani arafiaki,

ahokina naothinia.

12 ꞌBoꞌdakari Deus athi namoniva abonoa mitha vaniꞌahananaꞌihi ida Deus vara vaꞌora niꞌavini.

Vakadimoni hirihi ida athi vaꞌora navaꞌisohijoravini hiꞌiki.

Ijaꞌari vanamitharonisiagaki vakadimoni hida Cristo monina vakamithaꞌiki afojora.

Oniaroa,

aꞌonimaina avakamithaꞌihi jaboni.

Hari.

Khaꞌaha ada Maꞌonahai Jahaki nama Jesus athi avaadahaoniva abono vakadiania.

Maꞌonahai Jahaki vavaꞌi binahonariahihihahaꞌoadahavini mani ida Cristo monina jahakia aꞌonira vananamithavini hiꞌia.

Deus ibavi kaijaꞌarini jaboni vakavaꞌibodivaranikarahoꞌihi ida Cristo monina niha ninini.

Avigavini vanofivini kabaꞌi,

ni-avigajahakiki.

13 Hari.

Vara ovaniꞌaꞌiki ida Deus haria akavaꞌijoavini kamahini kavaranihi.

Avaabononi vanaibavijaha bana mahija jorakia Deus aꞌonira honariavini hiki-ra avanaabavini.

Avavaꞌini ogairiva bana afohaꞌoadaha.

Vanaviahanokha bana afohaꞌoadaha ida Jesus Cristo joina kamahini.

Deus aꞌonira kajoamorakarahovini,

aꞌonira noꞌahananavini hiki bana ida kidinahina jahaki aꞌonira navaꞌiponivini hiꞌiki.

14 Hari.

Vanaabajahaki bana ida Deus athi.

Jesus Cristo-ra avarigaꞌiaravini kari avakavaꞌinofinofiki ida badani asohiriki kaipahivahaki.

Hariꞌa avavaꞌini-ra nahonariahihiꞌianava bana ida avakadihojai ꞌboꞌda.

15 Hari.

Deus haria nagathogathoꞌiki hari,

akadimahi jahakaꞌoaja kaimoni.

Jahakaꞌoaki ada Deus.

Ovari fori vihiꞌa bana.

Nahina hahavi-ra bada avaniꞌaꞌihi,

jahakaꞌoava bana ida avakadihojai.

16 Deus athi kapapirani haria navaꞌisohiꞌboꞌdavini hiki hida athii:

17 Hari.

Deu-ra vara aniꞌavini vani akadiabiꞌia anaonira ada.

Akadiabiꞌi ijaꞌari hahavi-ra nasohivini kamahini,

vaꞌora noꞌahananavini hiki bana ida vakadihojai abosini.

Ijaꞌari hojai jahakia vakahojaiki;

vagahinaki afohanana nahina jahakia.

Ijaꞌari hojai jaharikia vakahojaiki;

vagahinaki afohanana nahina jaharikia.

Hari.

Avahokini oadani hidiaja Deu-ra vavavaꞌihahaꞌoadaha bana.

18 Ni-jahaki ida avakadihojai Cristo-ra avarigaravini kari.

Oniaro kari avakadihojai avakadiabiꞌi avikhananavaki vakadihojai asohiriki fori hiki.

Ni-nahina kaimoni hiki ida avakadihojai asohiriki.

Hari maha,

Deus aꞌonira akavaꞌijoaꞌiki aꞌoni,

nikia avakahojaijanaria kaimoni.

Ijaꞌari kapavakarivahaki aꞌoni.

Deus aꞌonira kapavakariꞌiki aꞌoni.

Nahina kaidivakia aꞌonira naabosiꞌiki ada,

avakadihojai ꞌboꞌda aꞌonira gathijanaria kaimoni.

Ni-Deus aꞌonira anaabosiꞌiki ouro,

prata,

nahina hoariha aꞌboꞌdariki hikia.

Ijaꞌaria bikaabokaki ida ouro,

prata hiki-ra nihimavini.

19 Cristo amana vani ida haria naabosiꞌia.

Kaidivaki ida Cristo abiniꞌina akadimoni.

Ni-nahina jahariki,

asohiriki hojaki kidiania.

Ovilia jahakaꞌoaki fori hiki ada Cristo.

Ovilia ijaꞌaria vanaabiniki fori hiki ada,

Deua binaꞌbiraja kaimoni ida akadihojai asohiriki.

20 Deus hahavi-ra namonahavini viahania binagathogathojoraꞌiki ada Cristo.

Anamithaꞌina vani Deua bikaronaꞌara ada Cristo araboja akadiꞌaihotahi abono kaimoni hina.

21 Jesus Cristo haria akavaꞌijoavini mani ida Deus kaꞌoa-ra avakaijokavini hija.

Deus vania bianahokiꞌara ada Jesus Cristo,

bigathaniꞌaha kidiania,

vagana,

jahana hikia binoꞌaꞌiki ada,

oniani ida Deu-ra avakaijokajahakivini hiꞌia.

Kaaraki ida Deu-ra akajariꞌdaravini.

22 Deus athi kaꞌoa-ra anaabavini mani ida Deus viaha akadivaꞌibodivarani-ra najahavini hija.

Asohikaꞌoaki ida akadimahi,

akadivaꞌibodivarani hiki,

oniani ida Jesus Cristo kaijaꞌari arigamina-ra anofidorovini hija.

Avaabononi vakanakaidivakhama bana jaboni avavaꞌini bodinia.

23 Avakaijokaki ida Deus athi anokhomiriki,

kaꞌoa hiki,

oniani ida Deus akadimahi jaꞌdinia haria noꞌavini hiꞌia,

oniani ida namithaꞌianaki fori haria nihaja.

Akhanina vani Deus kaisai arihija.

Hokihahaꞌoadahaki ada akadiabiꞌi nama hojaki.

Akadiabiꞌi,

akadiamia vihiki araboa vahojaki ni-vahokihahaꞌoadahaki.

24 Hari.

Deus athi kapapirani haria navaꞌisohivini hiki hida varani: