Meni ape Pol one towe eite lu taune maꞌe Jisas ne tote tawesi umasiteye ape, omo Rom sahe lese ausawi. Le omo Korin sahe iroteye ape, le one towe eite leseye. Sosu menitani ta iyape Fibi one towe eite ereti topo lo se omo Rom maꞌe aiti. Rom lo meni owane tutawe iyape Sisar omo ape sahe iroteye. Le lu taune omo omo werese iroteye ape, au noweinoweiteye. Pol lo peri one towe eite sahe apou lesesiya. Lu taune werese werese aꞌi yo seni luwaru aꞌi ironamisiya. Serai nomo owane Sitewi maꞌe irowata. Nomo werese yo seni luwaru aꞌi ironamiteye su, hepene werese nomo lo temeniye poꞌuteye. Ahowa, nomo Jisas ne tote tawesiyei su, nomo Owane Sitewi lo nihe se lu taune waraꞌi aꞌi henerairowa.