Meni ape Filemon maꞌaru, etiri tomu neꞌese iroteye. Le wiyawi yahowaꞌi iro siye lu tomu neꞌese aꞌi iroteye. Pol lu taune maꞌe Jisas lo peri au teꞌe fiyariteye su, meni Filemon Jisas ne tote tawesi umasiteye. Nowe meꞌiye su, wiyawi yahowaꞌi iro siye meni ta wiyawi lo arunatiyewe, omo Rom maꞌe iteroti. Omo Rom sahe Pol Jisas lo peri au teꞌe fiyariye su, wiyawi yahowaꞌi iro siye meni ape aiwawe aꞌi Jisas ne tote tawesi umasiteye. Serai Pol kalabus wesi sahe meni ape iyape Onesimus le ne au pati ferafereiteye. Serai Pol meni ape meni Filemon maꞌe si tame eimawesawiyei ne toteye. One towe eite sahe Pol meni Filemon apou teꞌeye, “Meni ape, Onesimus, le ane ne wiyawi erasi au pati ferafereiteye. Le Jisas ne aiwawe aꞌi umasinamiteye. Serai ne le ne kaiyemo aiwawe aꞌi eritere.”