One towe toꞌuresi Pita lai lu taune maꞌe omo omo tereꞌe sahe iroteye ape, lese ausawi. Lu taune ape mo Jisas ne tote tawesi umasiteye. Lu tomu neꞌese aꞌi peri wawero lowe maꞌe au teꞌe fiyariteye. Lowe apou au teꞌe atuatuteye. “Yo seni luwaru aꞌi, etiri ape mo wisere wiyeme aꞌi ne.” Lowe lowe maꞌe au teꞌeye, “Jisas nowe meꞌiye su, si tame itorairowata.” Ahowa, Pita peri wiyeme aꞌi lowe maꞌe au teꞌe areiyeteye. Lowe peri wiyeme aꞌi wanu soꞌoruweteye su, lowe mi mi weriyei tei kairefiyerowa. Nowe meꞌiye su Jisas lai hi awei maꞌe itorairowa. Ahowa, nowe eite henerai taꞌama. Piyene awere? Le lu taune werese yo seni luwaru aꞌi towafi lowe lo fa atati arunati ne ninawesiya. Sosu nowe meꞌiye su, le hi awei maꞌe itorairowa.