Meni ape Jon one towe eite lu taune werese maꞌe, Jisas ne tote tawesi umasiteye ape, omo pani Esia sahe iroteye ape, lese ausawi. Jon yaꞌariyei meni naihe aꞌi ne. Le omo Efesus sahe iroteye su, le one towe eite leseye.

Jon peri hesi aꞌi lowe maꞌe au teꞌe atuatuteye. Jisas yo seni luwaru aꞌi nomo lo au taꞌane sasari pamoweye su, nowe Owane Sitewi ne tei kairefiyenamite. Sosu aiwawe aꞌi nomo meni eime lo, Jisas ne tei kairefiyenamite. Jon lo peri tereꞌe apou au teꞌeteye. Lu tamo peri afofo aꞌi ta au teꞌeteye. Lowe apou au teꞌeteye, “Tahe paꞌare nomo lo luwaru aꞌi ne. Serai Jisas tahe paꞌare ta iro te taꞌame.” Lu ape mo marepi towafi lowe lo ei ani aroweteye. Lowe tote wawesiyeyei lu taune maꞌe hi ani araroteye. Serai Jon marepi lowe lo peri wiyeme aꞌi se au fareraiyeteye.