Jems lo paꞌise, Jut, one towe eite leseye. Meni eite Jisas lo paꞌise. Le peri ape ne, nomo Jisas ne tote tawesi umasiteye su, le yo seni luwaru nomo lo au taꞌane sasari pamowerowa. Nomo Owane Sitewi lo nihe se lu taune waraꞌi aꞌi henerairowa. Sosu nomo le mase ironamitorowa. Peri tereꞌe Jut leseye ape, apou aꞌi ne. Lu tomu neꞌese peri wawero au teꞌe atuatuteye. Serai nomo lowe ne weiyai. Le lu taune Jisas ne tote umasiteye ape, apou teꞌeye, “Jisas lo peri wiyeme aꞌi marepi nomo lo au kairefiyerowa.”