Meni ta iyape Jon one towe eite leseye. Lu taune tomu neꞌese apou totesiya. Jisas lo meni Disaipel Jon one towe eite leseye. Meni ape, Jon, Jisas ne lu taune maꞌe au teꞌe fiyariteye su, awei lo lu owane tamo le kemere Patmos kalabus wesi maꞌe eimawe arosawi. Le kemere ape sahe le one towe eite leseye. Owane Sitewi lai le maꞌe hamehameyei ta au atuatu siye areiyeye. Etiri werese ape mo, le siyeteye ape, nowe yeꞌewi henerairowa. Lu taune Jisas ne tote umasi taꞌame ape, le Owane Sitewi lo au hese ereiyei lowe maꞌe henerairowa. Nowe yeꞌewi su, Satan, sosu lu taune werese le ne umasiteye ape, lowe Jisas maꞌe ai atu tiyatirowawe, yehe omo maꞌe mi mi pasi pasi ironamitorowa.