Ogwu ògege ikpa yi ìge isasa itap ebi Ju ìluk me Alikisendira me Ijipiti efuuk me owot ibe ekeke enye me lek Awaji. Usini ebi Ju cha mîtele ubọk iriaak Awaji eyi ebi Ju, mè ikigọọk ubọk iriaak awaji eyi ebi Giris. Ogwu òge ikpa yi ìkiweek ibe ebi Ju eriọọn̄ ibe ke ijejeen̄ melek iriọọn̄-inu òkup me emen Ikpa Mbuban înwọn igak echi ebi Giris.

Ogwu òge ikpa yi îtumu si oka ikọ ofolek inu òrọrọ inu okije ijaan̄ me lek ebi ijo ife, me mgbọ ebi ata ife ekibọkọ ufialek. Îtumu ibe ke Awaji môfieek unen oyerebet me mgbọ môsibibe òta oyerebet, eyi òbomọnọ irek mgbọ ebi ene isikwu iraka. Me mgbọ ya, ebi ijo ife mêbọkọ osusut, sà ebi ata ife ebeluk ugwem melek Awaji ire mgbọ geelek.