4 Okumugwem onenitumu inyi Mosis ibe, 5 “Bọkọ otutuuk inu chi ebi ibot chi esabe inu, inyi mêsabe ikisi ikwaan̄ me Atanga Chinichini. Dọmọ inu cha nyi ebi otoko kè Libai gọọk me lek ikwaan̄ kiban̄ me ene me ene.” 6 Ikeya si ke Mosis onibọkọ uji ekpirikpo cha melek eriembuuk cha isa ikana itap me ubọk ebi otoko kè Libai. 7 Ebi owot iman kè Gasiọn ke înyi uji ekpirikpo iba mè eriembuuk ini ikpọ me lek ikwaan̄ kiban̄. 8 Ebi owot iman kè Merari ke înyi uji ekpirikpo ini mè eriembuuk jeeta ikpọ me lek ikwaan̄ kiban̄. Echichi ke Itama gwun̄ kè Erọn ogwu ngwugwa okikpọ chieen̄ me lek. 9 Ire, Mosis ìkache uji ekpirikpo mè eriembuuk geege ìnyi ebi owot iman kè Koyat, mije, bak me lek inu ema ekisi ikwaan̄ me lek orebe inu echi òkup mbuban ichit, kpekitap inu cha me emen uji akọn̄, ema ekibebeme inu cha me oguga kiban̄.

10 Me usen etọkọbe aran̄ me lek ntook ngwugwa, ebi ibot ebi Ijeren cha mîsa inu ngwugwa eyi isasa igbama lek ntook ya inu, mè isa inigwook me isi ntook ngwugwa ya. 11 Okumugwem onenitumu inyi Mosis ibe, “Ogwu ibot ge obokinyi inu ngwugwa kan̄ usen ge, inyi esa egbama lek ntook ya.”

12 Me adasi usen, îre Nasiọn gwun̄ kè Aminadap, ogwu ibot otoko kè Juda osa inyinyi eyi kan̄ inu.

13 Inyinyi îsabe inu ìre alala alata okuket ge, eyi ulobo kan̄ orebe kilo ge mè ìkike iba, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu iba chi igọọk me ubọk itọ-inu eyi Uwu Mbuban. Mîtap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 14 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 15 Îsa si gwun̄ orie eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 16 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 17 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Nasiọn gwun̄ kè Aminadap osabe inu.

18 Me òso usen iba, Netanen gwun̄ kè Juwari, ogwu ibot otoko kè Isaka, osasa inyinyi kan̄ inu.

19 Inyinyi echi Netanen osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 20 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 21 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 22 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 23 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Netanen gwun̄ kè Juwari osabe inu.

24 Me òso usen ita, Eliabu gwun̄ kè Elọn, ogwu otoko kè Jebulọn, osasa inyinyi eyi kan̄ inu.

25 Inyinyi echi Eliabu osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 26 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 27 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 28 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 29 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Eliabu gwun̄ kè Elọn osabe inu.

30 Me òso usen ini, Elisuru gwun̄ kè Sediuru, ogwu ibot otoko kè Ruben, osasa inyinyi eyi kan̄ inu.

31 Inyinyi echi Elisuru osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 32 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 33 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 34 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 35 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Elisuru gwun̄ kè Sediuru osabe inu.

36 Me òso usen go, Selumien gwun̄ kè Surisadai, ogwu ibot otoko kè Simiọn, osasa inyinyi eyi kan̄ inu.

37 Inyinyi echi Selumien osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 38 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 39 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 40 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 41 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Selumien gwun̄ kè Surisadai osabe inu.

42 Me òso usen gweregwen, Eliyasafu gwun̄ kè Dewen, ogwu ibot otoko kè Gadi, osasa inyinyi eyi kan̄ inu.

43 Inyinyi echi Eliyasafu osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 44 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 45 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 46 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 47 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Eliyasafu gwun̄ kè Dewen osabe inu.

48 Me òso usen jaaba, Elisama gwun̄ kè Amiyudu, ogwu ibot otoko kè Iferem, osasa inyinyi kan̄ inu.

49 Inyinyi echi Elisama osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 50 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 51 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 52 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 53 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Elisama gwun̄ kè Amiyudu osabe inu.

54 Me òso usen jeeta, Gamalien gwun̄ kè Pedajuru, ogwu ibot otoko kè Manasi, osasa inyinyi eyi kan̄ inu.

55 Inyinyi echi Gamalien osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 56 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 57 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 58 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 59 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Gamalien gwun̄ kè Pedajuru osabe inu.

60 Me òso usen onaan̄ge, Abidan gwun̄ kè Gidiọn, ogwu ibot otoko kè Benjamin, osasa inyinyi kan̄ inu.

61 Inyinyi echi Abidan osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 62 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 63 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 64 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 65 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Abidan gwun̄ kè Gidiọn osabe inu.

66 Me òso akọp usen, Ayejeri gwun̄ kè Amisadai, ogwu ibot otoko kè Dan, osasa inyinyi kan̄ inu.

67 Inyinyi echi Ayejeri osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 68 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 69 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 70 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 71 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Ayejeri gwun̄ kè Amisadai osabe inu.

72 Me òso akọp mè usen ge, Pagien gwun̄ kè Okaran, ogwu ibot otoko kè Ase, osasa inyinyi eyi kan̄ inu.

73 Inyinyi echi Pagien osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 74 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 75 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 76 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 77 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Pagien gwun̄ kè Okaran osabe inu.

78 Me òso akọp mè usen iba, Ayira gwun̄ kè Enan, ogwu ibot otoko kè Nafitali, osasa inyinyi eyi kan̄ inu.

79 Inyinyi echi Ayira osabe inu ìre alala alata okuket ge eyi ulobo kan̄ orebe kilo ge mè okpọkọ, mè ewop alata okuket ge ekisa inyan eje, eyi ulobo kan̄ orebe kilo ge. Etọ ulobo inu cha igọọk me ubọk itọ-inu eyi Uwu Mbuban. Etatap atalek akpa ekọkọk etapbe aran̄ olifu me lek ijot alala ya mè okwa ya, inyi mêsabe igwa ngwugwa akpa. 80 Îsa si nkọm alata araran̄ ge inu, eyi ulobo kan̄ orebe irek ge me akọp irek eyi kilo ge, eyi etapbe nsensi ijot emen. 81 Îsa si gwun̄ eriembuuk ge, mè orie arọọn̄ ge, mè gwun̄ orie arọọn̄ ge òsoso acha ge inu, echi mêsabe igwa ngwugwa ewọwọp iriọk. 82 Îsa si gwun̄ orie ebot ge igbaalek inu, inyi mêsabe igwa ngwugwa ijo inu, 83 mè isa si eriembuuk iba mè orie arọọn̄ go mè orie ebot go, mè bọn orie arọọn̄ go òsoso acha ge ge inu, inyi mêsabe igwa ngwugwa esuuk. Echichi ore inu ngwugwa echi Ayira gwun̄ kè Enan osabe inu.

84 Echichi ore inu ngwugwa isasa igbama lek ntook ngwugwa echi ebi ibot otoko ebi Ijeren esabe inu me usen etọkọbe aran̄ me lek ntook ya. Otutuuk inu cha onenisibi akọp mè alala alata okuket iba, mè akọp mè ewop alata okuket iba echi ekisa inyan eje, mè akọp mè nkọm alata araran̄ iba. 85 Ulobo alala alata okuket cha ge ìre kilo ge mè okpọkọ, sà ulobo ewop alata okuket echi ekisa inyan eje cha ge ore kilo ge. Ulobo otutuuk alala alata okuket cha ogbagbaan̄ isibi akọp kilo iba mè jeeta igọọk me ubọk itọ-inu eyi Uwu Mbuban. 86 Akọp mè nkọm iba cha etapbe nsensi ijot emen, ulobo ge kan̄ mè nsensi me emen ìre okpọkọ kilo. Ulobo otutuuk kiban̄ onenigbaan̄ isibi kilo ge mè okpọkọ. 87 Otutuuk anam cha esabe igwa ngwugwa ewọwọp iriọk ìre akọp mè eriembuuk iba mè akọp mè orie arọọn̄ iba mè akọp mè bọn arọọn̄ iba òsoso acha ge ge, igbaalek ngwugwa akpa òje me lek, mè akọp mè bọn orie ebot iba echi esabe igwa ngwugwa ijo inu. 88 Otutuuk anam cha esabe igwa ngwugwa esuuk ìre akọp eriembuuk iba mè ini, mè akọp orie arọọn̄ gweregwen mè akọp orie ebot gweregwen mè akọp bọn orie arọọn̄ gweregwen echi òsoso acha ge ge. Echichi ore inu ngwugwa esabe igbama lek ntook ngwugwa ya me usen etọkọbe aran̄ me lek ntook ya.

89 Mgbọ Mosis ojebe inin̄ emen Atanga Chinichini ibosi itumu ikọ melek Okumugwem, inọnọ ida Okumugwem okitumu ikọ inyi ọmọ. Ida ya ìkitaan̄ inan̄a me inyọn̄ ogboon̄ nsan eyi esabe ichit okop ata-ikọ ya, me etete ebi mbem emen inyọn̄ iba erombe itoon̄ me inyọn̄ okop ya. Ikeya ke Okumugwem okup me ere ya ikitumu ikọ melek kè Mosis.