Bilidadi îtumu ikọ òso mgbọ ita inyi Jobu
25
Bilidadi ogwu Suwa onenibọkọ otu ibe:2 “Awaji okaan̄ unye eyi mkpulu, mè ikaan̄ si ukpook;
ọmọ okitap esuuk me ere nluk kan̄ eyi òbebene ichit.
3 Ekene obokọt ifuk otu ifuk urum akọn̄ kan̄?
Sà ìre ekene ke ura kan̄ ìkakibum ìtoon̄ me lek?
4 Ogwu ebilene ìbojeje ire ogwu ata irọrọ me isi Awaji?
Sà ìre ogwu enenwaan̄ omanbe
ìbojeje ire ogwu kpokaan̄be nrọ-nlọ me lek?
5 Me chieen̄ Awaji, onyan̄ me lek kan̄ ìkatoon̄,
ebi kè ntoronyan̄ ekup me chieen̄ kan̄ ndudun ndudun.
6 Ire ikeya, sà ogwu ebilene ye?
Ogwu ebilene ìre mkput ikike,
gwun̄ ogwu ebilene ìre akọkọọk ikike!”