Uriaak mgbọ uyọrọlek
Nteme òkup ìnyi ogwu òjeen̄ okwa: Mêsa nkwukwak echi olik ikọt. Mêkọt ikpọ me lek Seminit. Okwa kè Debit.
6
Jei Okumugwem, kagana ere ìnyi emi me unaan̄-ejit;kasulu emi osusut mgbọ ejit oyokbe owu.
2 Kaan̄ emi nsan me lek, jei Okumugwem;
njeen̄ ita me ikpọk;
nyi emi efuuk,
ke usọk îfaan̄ ita emi me lek.
3 Otutuuk lek îkpukpuku emi igwook;
ìre kpa mgbọ ke obokpọ emi chieen̄ chieen̄ ire ni?
4 Jei Okumugwem, nwene ejit, mè nyan̄a emi sibi;
kachieek ibe emi ǹkwu, soso,
sa me imumechieen̄ mgbọ geelek kwun̄;
5 mije, ebi ìkwakwaan̄ kpekikeek owu.
Ìre ekene obokup me emen udọn̄-ufuun̄ itọn̄ owu ni?
6 Nto mfi mege, efuuk îta emi me owot;
otutuuk eririeen̄, mun̄ ito n̄a ìrereke mkpilaak n̄a;
inu ibene-ibot n̄a ìdedek isan̄a inyi ito n̄a.
7 Chieen̄ n̄a îyiki itoon̄;
ǹkayaka ìmọọn̄ inu bak me lek itoto ito,
mije ufieejit inu ebi ochicha erọbe emi.
8 Ìkpebe lek kinyi me lek n̄a,
otutuuk kinyi ebi ìrọ ijo;
mije Okumugwem înọ ida ito n̄a ntobe.
9 Înọ si ida mbeek n̄a,
mè ibọkọ uriaak n̄a itap.
10 Awaji môsa esip itet ebi ochicha n̄a,
mè itap ema ukpook me lek;
ìkpofafiat mgbọ irerieen̄ ema ikpebe;
esip môtetet ema.