Uriaak ibebeek Awaji ibe ibem ene
Ìkup inyi ogwu òjeen̄ okwa. Okwa kè Debit.
13
Jei Okumugwem, ìre kpa mgbọ ke obowuuk emi isi ire?Sà ìre òbowuuk emi isi ire mgbọ geelek njei?
Ìre kpa mgbọ ke oboda isi kwun̄
isan̄a me lek n̄a isi ire?
2 Ìre kpa mgbọ ke ekiket obotap emi nyanya isi ire?
Ìre m̀bakaan̄ ufieejit usen geelek isi ire mgbọ owa?
Ìre ubọk ogwu ochicha n̄a
ìbokpọkpọ ikinye igak eyi n̄a
isi ire mgbọ owa?
3 Jei Okumugwem, soso, fọọk otu uriaak n̄a;
jei Awaji n̄a, tap emi aya efuuk me emen,
inyi nkakwu,
4 mè ogwu ochicha n̄a ikagugo lek ibe ke ọmọ îtim ikpan̄ emi,
inyi ebi ìkeke emi me ijo agan̄
ekarie ijọk ibe ke ema mîda emi ito.
5 Utoon̄-ejit n̄a ìkup me lek
imumechieen̄ mgbọ geelek kwun̄;
ubelejit n̄a ìre ubọk owu
okinyan̄a emi isibi mgbọ geelek.
6 Okumugwem, mâkọt okwa itọn̄ owu,
mije owu orọ inu ijaan̄ me lek n̄a.