Ata ogwu òkpukpo arọọn̄
Okwa kè Debit.
23
Okumugwem, owu okikpukpo emi kubọk ekikpukpo arọọn̄;inu geege ìkabonan emi.
2 Ere njijoon̄ mbubet okupbe ke osa emi isi,
ibe ǹsi ǹtọbọ efuuk;
ere ukot mun̄ òkekeke ke osa emi isi,
inyi ǹsi ǹnwọ mun̄.
3 Owu otap emi aya ugwem me emen,
mè ikisa emi ije me oniin̄ eyi ata irọrọ,
mije erieen̄ kwun̄.
4 Ikerere ǹjeje itibi emen iteke òdudun,
ere mkpa môkọtbe ire emi lek,
ukpook mfat geege ìkpotet emi,
mije owu òwa melek n̄a;
m̀gbele mè mkpat okaan̄be me ubọk
okinye emi ejit.
5 Owu oyik inorie inyi emi me ere ebi ochicha n̄a ekimun̄;
owu osan̄a emi ala me ukot
kubọk ikpele ogwu ichen kwun̄,
mè itọkọ miin̄ ijot irirek otu ekpen̄ inyi emi.
6 Me atikọ, nnwọn mè imumechieen̄ kwun̄
môbia emi me lek otutuuk usen ugwem n̄a;
Okumugwem, uwu kwun̄ ke mâluk
ire mgbọ geelek.