Uriaak ibebeek ntap-ubọk Awaji
Ìkup inyi ogwu òjeen̄ okwa. Okwa kè Debit. Okwa yi ìkup inyi inyinyi ekinyi isa ikeek inu Awaji orọbe.
70
Soso, Awaji nyan̄a emi sibi;Okumugwem, gwat lek na, na tap ubọk nyi emi!
2 Soso, tap ebi ìkiweek ikpakpan̄ emi welewele,
mè rọ ema inu esip;
rieen̄ ebi ìkiweek ibe uyọrọlek itet emi kpebe,
inyi ema eben esip me isi egwu ekom!
3 Ebi ìkigigaan̄ emi, “Kpuwai! Kpuwai!” cha;
rọ inyi esip itet ema,
inyi lek kiban̄ igba.
4 Ire, tele ebi geelek ìkitọbọ ebum inyi owu ebele ejit,
mè enwọọn̄ unwọọn̄ me lek inu orọbe inyi ema;
ikeya si, rọ ebi geelek ìmama
ibe owu òre ogwu unyan̄a kiban̄
eketumu mgbọ geelek ibe,
“Jei Awaji, owu mimin!”
5 Ire, emi ìre ogwu ugbọọn̄ mè ogwu una;
jei Awaji, gwat lek na na nyan̄a emi;
owu okitap ubọk inyi emi;
owu okitaba emi isibi me ufialek.
Jei Okumugwem, gwat lek na na tap ubọk nyi emi;
soso, kafiat mgbọ!