Ogwukaan̄ inyọn̄
93
Okumugwem ìre ubọọn̄;umin ubọọn̄ kan̄ ore ofọnti ubọọn̄ îkitap;
unye ìsoso ọmọ lek kubọk ke ìsa fanti ikana me ebon;
Okumugwem ìsusun̄ linyọn̄ ikam me irek;
inu geege ìkpokọt ijibi isan̄a me akpat.
2 Okumugwem,
ogboon̄ ubọọn̄ kwun̄ ìwuwuuk lek ikukup;
owu me lek kwun̄ òkukup
bene me mgbọ ikakaan̄ge itata.
3 Jei Okumugwem, ogbururu îbene me emen awaji;
ida ekoon̄ òkifo inyọn̄;
isi mun̄ òkigbugbut.
4 Ire, unye kwun̄, Okumugwem, omin ichit;
ọmọ omin igak unye ogbururu òkiseme me egbọ okwaan̄,
mè imin si igak unye ekoon̄ òkitama me emen awaji.
5 Jei Okumugwem, ikan kwun̄ ìkabonwene;
ikeyi ke ebilene ebesa iriọọn̄ ibe
ke uwu kwun̄ ìkup me mbuban
ire mgbọ ikakaan̄ge itata.