Okwa Itọn̄ 98

Awaji okikpulu linyọn̄

Okwa.

Ìkọt ayaya okwa eyi kperarak ikọt

ìnyi Okumugwem,

mije, îrọ uyeke inu;

îsa unye eyi ubọk ulom kan̄, òrere ubọk mbuban kan̄,

itim ikpan̄.

2 Okumugwem, îrọ ebi eyi kan̄ eriọọn̄ unyan̄a kan̄;

îchili ata irọrọ kan̄ ibook me chieen̄ ebi ido geelek.

3 Îrọ use îchieekbe ebi Ijeren iso,

bak me lek imumechieen̄ îkaan̄be,

mè bak me lek ke ọmọ îgbe utoon̄-ejit;

otutuuk ebi linyọn̄ mîmun̄ ibe ke Awaji kiji înyan̄a eji.

4 Otutuuk ebi linyọn̄,

ìkput okput unwọọn̄ ìnyi Okumugwem;

ìtaan̄ ukpo, mè ìnwọọn̄ unwọọn̄;

ìdimi okwa ìtọn̄ ọmọ.

5 Ìsa uneen̄ ìkọt okwa ìtọn̄ Okumugwem;

ìsa uneen̄ mè okwa òtotop ìtọn̄ ọmọ.

6 Ìwut otita mè odu me isi Okumugwem;

ìkput okput unwọọn̄ ìtọn̄ ogwu Ubọọn̄ kiji!

7 Owu okwaan̄ melek inu geelek òjot emen kwun̄,

nwọọn̄ unwọọn̄, mè gbugbut;

owu linyọn̄ si mè otutuuk ebi ìluk me lek kwun̄,

kariaan̄ ere.

8 Enyi okwaan̄ geelek, ìkwak ubọk;

ebi kè ogoon̄, ìgọọk ìdimi okwa unwọọn̄,

9 me isi Okumugwem,

mije ọmọ òkinu inenisibi oyerebet inyi ebi linyọn̄;

ọmọ môsa me ata irọrọ isibi oyerebet inyi ebi linyọn̄,

mè isibi oyerebet ònenen inyi ebi ido geelek.