Okumugwem înyi ogwu ubọọn̄ unye
Okwa kè Debit.
110
Okumugwem îtumu inyi Okaan̄ n̄a ibe,“Siki kweek me ubọk agan̄ ulom n̄a,
mege ire mgbọ mâsabe ebi ochicha kwun̄
irọ inu ibene ukot inyi owu.”
2 Okumugwem môkup me Sayọn
irọ mkpulu kwun̄ iwele owot;
owu môkeke ubọọn̄ inyi ebi ochicha kwun̄,
ìneneme ema, ìkaneme.
3 Usen owu môjebe me isi urum akọn̄
isi ichichini ebi ochicha kwun̄,
ebi kwun̄ mênan̄a isibi inu, mè ikeke;
nsabọn irieen̄ ama kwun̄
mêsisibi igwook gìrìgìrìgìrì
me inyọn̄ ogoon̄ mbuban,
kubọk mbat otu ewelegwe.
4 Okumugwem îtumu ito, ìkpoyaka inwene ejit;
ìbe, “Owu ìre ogwu ngwugwa ire mgbọ ikakaan̄ge itata,
igọọk me ọgbọn̄ kè Melikisedek.”
5 Ogwukaan̄-ene ìkukup me agan̄ ubọk ulom kwun̄
ikitap ubọk inyi owu;
usen ejit inaan̄,
môtun̄ ebi ubọọn̄ ìnu owu akọn̄ me lek ikpukpuku.
6 Môfieek oyerebet inyi ebi ido geelek me linyọn̄,
mè otim òkpan̄ ebi ubọọn̄ me otutuuk ido;
nkwukwu ene môjojot ere gboi.
7 Ogwu ubọọn̄ mônwọ mun̄ òkigbuk me agba oniin̄;
isa ikaan̄ unye itim akọn̄ ikpan̄.