Ogwu nriran, Maika, ìben nriran me ido Juda, me ukot mgbọ Asaya okiben si nriran me Juda. Maika îmun̄ ibe ke ebi Juda mêbọkọ si ufialek yaage eyi Emọs otumube ibe ke môrọn̄ ikeme ebi ido Ijeren me agan̄ inyọn̄, ke Awaji môsulu ife chi agan̄ iba osusut mije mkpaka-ibot kiban̄. Ire, Maika îben nriran eyi òkinyi ene ikpọchieen̄ ibe ke Awaji môkaan̄ ejit nsan me lek ebi kan̄ me mgbọ ònu me isi.

Etip òsibi esese me emen ikpa yi ìre (ibot 4:1-4), ere òkitumu ibe ke esuuk môkup me otutuuk linyọn̄ me irak mkpulu eyi Awaji, mè (ibot 5:2-5), ere òkitumu ibe ke ikpele ogwu ubọọn̄ ge ònan̄a me owot iman kè Debit môsa esuuk inu me ido ya. Ofifi ìre (ibot 6:8), ere òkitumu ibe, “Jei ogwu ebilene, Okumugwem îjeen̄ owu inu ònwọnwọn. Keke ke Okumugwem oweek owu me ubọk? Îre irọrọ inu ònenen, mè imama ejit nsan, mè isisiki lek igọọk Awaji kwun̄ igbaan̄ ikije.”