Israel unikama aín bashi Sinaí kakë anuax kuan bana
10
11 Bari achúshi inutankëx bari itsi 'irukë anúan 'uxë achúshi inúkëbëa 'uxë itsi xamarukëbë ka xubusa okin chupa 'akë anua achúshi ñu 'akë 'ikë xubu kaxunuax kuin manámi ki niruakëxa. 12 Usai 'ikëbë ka israel unibu tsuákirukiani anu uni 'ikëma me aín bashi Sinaí kakë anuax kuankëxa. Kuantankëx ka anu uni 'ikëma me itsi Parán kakë anua kuin ax nirakëkëbë anuribi israel unikama nirakëaxa.33 Usa 'ain ka Nukën 'Ibun bashi Sinaí kakë anuax kuani rabë́ 'imainun achúshi nëtë 'ikiani kuankëxa. Kuankian levita uni raírinën Nukën 'Ibu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti 'ikë kixun baribiamainun ka 'aisamaira uni atu kaxú kuankëxa. 34 Uisa nëtën kara anua 'ikë anuax atux kuania a nëtënbi ka Nukën 'Ibun 'imikëx kuin atu manámi kuankëxa. 35 Kuankian bunántisa kurin ratakakakin 'akë a rëkuë́mibiankin buánkëbë ka Moisés ësai kiakëxa:
'Ën 'Ibu numi 'akinti kananuna kuëënin. ¡Ax mimi nishkë unikama abístanun 'imiti kana kuëënin! ¡'Ëx kana mi isi 'ikësa 'inua ax numi 'ikë unikama abísti kuëënin!
36 'Aínbi ka bunántisa okin 'akë an buánkë unikaman nírakëkinkëbë Moisés kiakëxa:
'Ën 'Ibu min uni Israel unikama kamina bërí ëntima 'ain, ax ka tupuntisamaira aín suntárukama 'ikën.