—'Ë karamina Timnat kakë ëmanua 'ën isbëtsinkë filistea xanu a 'ën binun ain aintsikamabëtan mënioxuntima 'ain. 3 Kixuan kakëxunbi ka aín papan kakëxa:

—¿Uisokin sinánxun kaina an Dios 'unánkëma filisteo unikamanua min xanu 'iti xanu bisatanin? ¿Nun aintsi 'ibukamanu 'ianan kara raíri ñaká Israel unikamanuribi ami biti xanu chipash 'aíma 'ik? Kakëxun ka Sansónnën aín papa kakëxa:

—A xanu chipash ax ka 'ën kuëënkë xanu 'iaxa, usa 'ain kana ami 'ën xanu 'iti binun 'ë mëníoxunti kuëënin. 4 Usa 'ain ka ain papan usaía 'ikëkama ax ka Nukën 'Ibunbi 'imikë 'ikë kixun 'unánma 'ikën, usa 'ain ka uisokin kara filisteo unikama 'ati 'ikë kixun Diosan a baritia kaman atu 'atimoti 'ikë kixun bariakëxa.

5 Usa 'ain ka Sansón aín papa kabiani abë Timná kakë ëma anu kuankëxa. Kuanibi ka aín papabë ënanankiani ëma 'urama uvas 'apákë 'ikë anúan kuankëbë ka achúshi 'inúan në́kë ami në́kuatsini pikatsikiax uakëxa. 6 'Aiabi ka Nukën 'Ibun aín bëru ñunshinan Sansón kushiira 'inun 'imiakëxa, 'imikëxun ka anun 'ati ñu tuinkë 'ixunmabi aín kushínbi achúshi cabranën tuára 'akësokinshi an pikatsikiax ukë 'inuan tëtsëkakin bikëxa bamaia tukapakëxa. Usakin 'axunbi ka aín papa usakian 'akë a ñuixuanma 'ikën. 7 Usakin 'abiani kuanx ka an bisatankë xanu a binux aín aintsikamabë banakëxa.

8 Usai banatankëx ka anúan birananti nëtë sënë́nkëbë, Sansón aín xanu bisa kara kixun isi kuankëxa, kuaníbi ka anúan kuankë bai ëbiani anuxua paru 'inúan ami në́tia tëtsëkaxun bamaia tukapaxun rakaënxankë a iskatsikiax anu kuankëxa. Kuanxun 'urama okin iskëxbi ka paru 'inúan bamaëxankë aín naminua bunan kuëxuokë anu ain rëpa 'iakëxa. 9 Anua ka mëkënan aín kuëxu tukapakin aín rëpa biakëxa. Bixun buna rëpa xëabiani kuankinbi ka aín papa abë mëranankin paná an ribia xëanun 'inánkëxa 'inánkëxuan. Aiabi ka paru 'inúan bamakë aín naminua kana bitsia kixun ñuixuama 'ikën.

10 Usa 'ain ka Sansónnën papa ain bëchikënëan biti xanu chipash a 'unani kuankëxa; kuanxun ka filisteo xanu aín papan xubunuxun Sansónnën achúshi fiesta atun 'akësabi okin 'akëxa. 11 'Aínbi ka filisteo unikama ami rakuë́këbëtan an biti xanúan 'unánkë treinta uni bënákama uankëxa. 12 A treinta unikama ka Sansónnën ësokin kakëxa:

—'Ën kana bërí uisai kikë kara ënë bana 'ikë kixunmi mitsun 'ë kanun ënë bana mitsu ñukatin. 'Ën 'akë fiesta ënëxa mapai achúshi 'imainun rabë́ nëtë basiti 'ain kamina mitsun uisai kikë kara 'ën mitsu kakë bana 'ikë kixun ñuixunkëxun kana, 'ën achúshi achúshi anun rakuti lino upiokin 'akë chupa 'inánan chupa achúshi a pañuax fiestanu kuanti mitsu 'inánti 'ain. 13 'Aínbi kamina mitsun uisai kikëira kara a bana 'ikë 'ë upíokin kakinma mitsu achúshi achúshinën anun rakuti lino upíira 'akë chupa 'ë 'inánan aña fiestanu kuanti chupa 'ë 'inánti 'ain. Ësokin kakëxun ka atun kakëxa:

—Nu kamina kamaxunbinu kuanun mix kikë bana a ñuixunti 'ain. 14 Kakëxun ka Sansónnën karaisa ax kikë bana ñuikin atun kaia kuanuxun achúshi bana ñukákin ësokin kakëxa:

—Minmi an mi biti uni kikë bana a uisai kara kia a ñuixunkëxuma kananuna mi 'axun rakanan min papakëñun aín aintsikamaribi 'ati 'ain. ¡Mitsun sapi kamina upíokin 'akinxumabi nun ñu mëkamati kupíshi nu kuëan! 16 Usakian kakëx kuanxun ka aín xanun Sansón ami inkin kakëxa:

—¡Min kamina 'ë kuëënima! ¡Mix kamina 'ëmi nishin! Usa 'ixun kamina 'ën aintsikama uisai kikë karaisa a bana 'ikë iskatsi kixun kan, 'aínbi kamina min 'ëbi uisai kikë kara a bana 'ikë kixun kakëma 'ain.

Kixuan kakëxun ka Sansónnën kakëxa:

—'Ën papakëñun 'ën titabi ñuixukëma 'ixun karana 'ën uisaxun a bana mi ñuixuti 'ain. 17 Usokin ñukákëxunbia ñuixunkëxma ka a rapasunuax ini mapai achúshi 'imainun rabë́ nëtë sënë́nbi fiesta 'ikë anun iankëxa, usai inkian 'urainra ñukákëxun ka mapai 'imainun rabë́ nëtë 'ikë anun usai ka a bana kia kixun ñuixuankëxa. Usakia ñuixunkëx kuanxun ka aín aintsikama ësai ka a bana kia kixun ñuixuankëxa. 18 Ñuixunkëx ka mapai 'imainun rabë́ nëtë sënë́nkë anun bari kuabukëma 'aínshi filisteo unikama anu rikianxun Sansón kakëxa:

19 Usokin atu kaiashi ka Nukën 'Ibun Bëru Ñunshinan kushiira uni 'inun Sansón 'imiakëxa; Usakin 'imikëx Ascalón kakë ëmanu kuanxun ka filisteo unikama Sansónnën treinta uni anu 'ikë rëtëakëxa, rëtëxun ka unikaman chupa bibianxun anunbi an kakë bana ñuixunkë unikama a kupíokin 'inánkëxa. Usokin 'abiani ka aín papan xubunu bëtsi sinánkëshi 'aish kuankëxa, 20 usai kuanxa aín papan xubunu Sansón 'ain ka an binuxun katakë xanu an 'unánkë uni achúshinën aín xanu 'iti biakëxa.