—'Ën xanu isi kana uan usa 'ain kana a istisa tanin. Kakëxunbi ka ain kukun aín xubunu atsímisama tankëxa, 2 atsímisama tankin kakëxa:

—'Ën kana 'ën bëchikë kamina kuëënima kixun sinan, usa 'ain kana min 'unánkë uni achúshi aín xanu 'iti 'inan. Usa 'ain kamina ain xukë́n 'anáka ax ka asamaira upí xanu 'ikën; a kuni kamina aín apan a 'imainun biti 'ain. 3 Kixuan kakëxunbi ka Sansónnën kakëxa:

—¡Bëríra kana filisteo unikama kupitanuma 'ën ira 'atima okëxun 'ati 'ain! 4 Usokin kabiani kuanxun ka trescientos kapa 'inu bixun rabë́ rabë́ aín 'inanbi bëtsikëñun tëkërë kapatankëxun anua tëkërëkapakë anubi anua tiríoti ñu tëkërëkapakëxa; 5 usotankëxun aín inanu tëkërëkapakë ñu anu bimitankëxun ka kapa 'inukama a filisteo unikaman ñu 'apákë anu kuantanun xuakëxa. Xukëx tsuákikiani kuankin ka trigo a pain bixun bukúnkë 'imainun bikëma ain inubi 'ikë, 'anan uvas 'apákë a këñunbi olivos 'apákë akamaribi xarokëxa. 6 Usokian 'akë ka filisteo unikaman uin kara usokin atun ñu 'apákë axa kixun 'unánkatsi kixun bariakëxa, barikinbi Sansónnëa ain kukúan aín xanu bikuanxun an 'unánkë uni 'inánkë kupín 'akë 'unánbiani anu rikianxun ka xanu akëñun aín papa nënkankëxa. 7 Usakian 'akë 'unáni ka Sansón ësai atu kai kiakëxa:

—Mitsun kamina usakin ñu 'an, usa 'ain kana asérabi manutima okin mitsu kain, ¡këñukin mitsu 'atankëx pain kana 'ëx asábi 'iti 'ain! 8 Ësokin atu kaíbi 'aisamaira nishkin tankin anua 'ikë unikama 'itsaira 'abiani ka Etam kakë menu 'ikë mapara kini anu tsóti kuankëxa.

9 Filisteo unikamax ka utankëx Judá menu bëbax anu 'ikankëxa, 'ika anua Lehi 'ikë anubi sënëni 'ikankëxa, 10 anua ka Judá menu 'ikë unikaman ñukakankëxa:

—¿Uisa kupi kaina nukamabë 'akananux ukan?

Kakëxun ka atu achúshitan kakëxa:

—Nukamax kananuna nua 'atima okë kupin Sansón ñatankin bitsi uan kakëxa.

11 Ësokin kakëxun kuabiani ka tres mil uni Judá ñakánu 'ikë unikama Etamnu 'ikë xaxun papa kininu kuanxun atu achúshitan Sansón kakëxa:

—Min kamina 'unánin filisteo unikamax ka nukamasama kushiirabu 'ikë kixun. Ënu utima kamina 'ian, atun ka mi nuibëtsianxa bërí kananuna 'aisama ñu inúti 'ain.

Kakëxunbi ka Sansónnën atu kakëxa:

—'Ën kana 'ë 'akësabi okin atu an, usa kupi ka usai 'iaxa. 12 Usakin kakëxunbi ka atunribi kakëxa:

—Nukamax kananuna mi filisteo unikama 'inánti ñatankin bitsi uan.

Kakëxunbi ka Sansónnën kakëxa:

—'Ë kamina sinanátëkëntimokin mitsun kamina 'ë rëtëtima 'ai kixun kati 'ain.

13 Kakëxun ka atun kakëxa:

—Usama ka mi kananuna 'aiman. Ñatanxunshi kananuna mi filisteo unikama 'inánkatsin.

Usa 'ain ka bitankëxun itsi ió rabëtan nëatankëxun anua unë́kë kini anua chikíankëxa.

14 Chikin bëtsinkin bëkëxa Lehi anu bëbakëbë ka filisteo unikama abë mëranani 'itsaira kuëëni kuënkëni chikiakëxa. 'Aínbi ka Diosan bëruñunshinan 'amikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama 'akësokinshi; 15 usokin 'atankëxun ka anua burro maxo 'aimairai ëskikëma a biakëxa, bixun ka anun mil filisteo unikama rëtëakëxa.

17 Usokin 'atankëxun kana burro maxo a nian, usa 'ain ka anuxun 'akë me ax Ramat-lehi kakin anëkë 'ikën. (Ramat-lehi kikë ax ka burro kuësha ki kikë bana 'ikën.) 18 'Imainun ka usokin 'atankëx Sansón 'itsaira shimakë 'ixun, Nukën 'Ibu kuënkin kakëxa: ¿Min kamina axa numi nishkë unikama ënë kupitanunma 'anun 'ë 'amian, usakin 'axunbi kaina bërí 'ë shiman bamanun 'imianan axa min bana kuakëma unikama 'ëx ñukëbë 'ënun kuainun 'imiti 'ain?

19 Usa 'ain ka Diosan Lehi kakë me anua kini naëkënua 'umpax mëranun 'imiakëxa, 'imikëxa chikitia ka 'umpax Sansónnën xëakëxa, xëaika Sansón amiribishi kushitëkëankëxa. Usa 'aish ka anua unikë 'umpax Lehinu 'ikë ax En-hacore kakin anëa ax anubi 'ikën. (En-hacore kikë ax ka 'umpax ñukákë ki kikë bana 'ikën.)

20 Usa 'ixun ka Sansónan veinte baritia 'imikin Israel unikama atun 'apu 'ixun 'akiankëxa, filisteo unikaman 'ibua 'ain.