Diosan bana kuaisama tankë 'atima sinánñu unikama ñuikë bana
14
An 'unántisa 'ikëbi ñu 'unánkëma unikaman ka Dios isa 'aíma 'ikë kixun sinania:kamaxunbi ka ñu 'atimashi 'aia;
usakin 'akin ka ñu 'atimaira 'akania;
¡an upí ñu 'akë uinu 'ikë uni achúshirabi ka 'aíma 'ikën!
2 Diosan ka naíkamë 'ëonuxunbi unikama isia,
kara axa ami sinánkë uni 'ianan an 'akinun barikë,
uni sinánñuira 'ikë kixun ka Diosan istisa tania.
3 'Aínbi ka kamaxunbi 'atima okinshi sinania;
usa 'ixun ka bëtsin 'akësaribi okin 'atima ñuira 'akania.
¡An ñu upí 'akë uni ka achúshirabi 'aíma 'ikën!
¡Achúshira unixi ka an ñu upí 'akë 'aimaira 'ikën!
4 An ñu 'atima 'atishi sinánkë unikaman ka bana kuatima,
usa 'ixun ka atun pán unin pikësa usaribi okin 'ën unikama këmëkin 'aia, usakin ka an Dios rabikëma unikaman 'aia.
5 Usakin 'aínbi ka atux rakuëtan bamai bërëkinuxun 'aia,
usai 'imainun ka Diosan, an kakësabiokin 'akë unikama 'akinia.
6 Usa 'ain ka uni upí sinánñukama an kuëënkin ñu 'akëbë ami kuaia,
usai 'ikian aín kuëënkësa okin 'akania ka Diosan atu 'akinia.
7 ¡Uisati kara Diosan 'ain bashi Sión kakë anuxunbi an Israel unikama 'akinkin ië́minun xutima 'ik!
Uínsaran kara Diosan an kaískë unikama aín menubi utëkënun 'imia anun ka,
Jacobnën rëbúnkikamax kamabi Israel ëmakamanuax kuëënti 'ikën.