Dios rabinux ka uni usai 'iti 'ikë kiax kikë bana
15
Dios, ¿uix kara mix anu 'ikë aín bashi upíiraanua 'ikë xubusa okin chupa 'akë anu 'iti 'ik?
2 Anu ka 'iti 'ikë an upí ñuishi 'akë 'imainun an upíokinshi 'akin ënkinma abi ñu upíshi 'akë uni;
ax kuni ka 'ain bana kikësokinshi 'ai upí 'iti 'ikën;
3 'ianan ka uix kara bëtsi ñui 'atimai bananan;
an 'unánkë uni 'atima oti sinanx banaima 'ianan;
a rapasu 'ikë uni 'akëxumabi a kuami 'atima oti sinanx banaima 'imainun;
4 an ñu 'atima 'ati kuëënkë uni abi iskinma,
Dios ishi rabia ashi nuibakë uni 'ianan;
uisa ñu kara 'akatsi kiaxa añu uisa ñu kara inúkinbi 'akë uni;
5 'ianan aín kuríki bëtsi uni 'inánkin na 'inánkë a inumikian 'inánun kixun ubíokëma;
'imainun bëtsi uni ñu 'atima 'akëmabi bëtsi 'atima onun kixun kupíokëxunbi,
usokin ñu 'ati kuëënkinma 'akëma.
Uni ax ka uisa ñubi 'inutima upitax tsóti 'ikën.