Nukën 'Ibun ka aín unikama nuibatia
34
'Ën kana Nukën 'Ibu kamabi nëtë,ënkima rabiti 'ain.
2 'Ëx kana Nukën 'Ibumi 'itsaira sinani kuëënin;
¡usa 'ain ka unikama sinan mëninshi atux 'ëbë a kuati kuëënti 'ikën!
3 Usa 'ain kananuna kamaxunbi
an 'a ñukama sinánkin Diosan anë rabiti 'ain.
4 Usa 'ain. Ka 'ën 'akinun ñukákëxun kuankin 'ë 'akiankëxa,
'ianan ka 'ën rakuëkëkama nëtë́nun 'imiakëxa.
5 Uikaman kara a isia ax ka 'itsaira kuëëni,
uínsaranbi rabinkëma 'iti 'ikën.
6 'Ëx ñuñuma unisa 'ixunmabi kana Nukën 'Ibun 'akinun kixun ñukákën,
ñukákëxun kuakin 'akinkin ka 'ëx tëmërai masánuitutia iskin 'ë 'akiankëxa.
7 Nukën 'Ibun ka aín ángel kushiira an rabikë unikama
'akianan ië́minun kixun xutia.
8 Usa 'ain kamina Nukën 'Ibu asérabi kara mitsu 'akinia kixun isnuxun tanti 'ain.
¡Uix kara ami katamëtia a unix ka chuámarua tani ami katamëti kuëënia!
9 Nukën 'Ibu kamina an kaískë 'ixun mitsun an kuëënkësabi okin 'axunti 'ain.
Usa 'ain ka an rabikë unikamax ñuñuma 'itima 'ikën.
10 Ñuñuira unikama ax ka ñuñuma 'i tikiti 'ikën, usai 'i ka ñuñu 'aínbi 'itsaira pananti 'ikën,
'aínbi ka axa Nukën 'Ibumi katamëkë unikamax uínsaranbi upí ñuñumama 'itima 'ikën.
11 'Ën nuibakë 'ën xukë́antu ësokin mitsu kamainun kamina kuati 'ain:
'ën kana uisakin kara Nukën 'Ibu rabiti 'ikë a mitsu 'unánmiti 'ain.
12 ¿'Itsa baritia 'imi kaina tsótisa tanin?
¿Uisai unin kuanun 'atimai banaima kaina upiti tsoti 'ain?
13 Mix 'atimai banakë a kamina ënti 'ain,
usai 'i kamina min kuëbitan këmëi banatima 'ain.
14 Ñu 'atima 'ati a ënkin kamina ñu upí 'ati 'ain;
usakin 'akin kamina ami 'akë ñu a ënkinma abi 'ati 'ain.
15 Nukën 'Ibun ka aín bana 'akë unikama bërúaia,
usa 'ixun ka an ñukákëxun kuakin 'akinia.
16 'Aínbi ka Nukën 'Ibun uni 'atima sinánñukama ënë
menua sinántëkëntima okin nëtë́miti 'ikën.
17 Nukën 'Ibun ka uni upí sinánñu kaman ñukákëxun kuatia, kuakin ka
masá nuitutiabi 'akinia.
18 Nukën 'Ibu ax ka kamabi nëtën 'urama 'ikën,
usa 'ixun ka uikaman kara ñu 'atima 'aibi ami sinanatia a 'akinti 'ikën.
19 Uni upí sinánñu kama ax ka 'itsaira tëmëraia,
usai 'iabi ka a ñukamanua Nukën 'Ibun 'akian.
20 Usakin Diosan aín xokama bërúankëx ka
ain xo achúshibi tëkëtima 'ikën.
21 An 'atima ñu 'ati sinánxun 'akë unikama ax ka anunbi tëmërai ñuia;
'imainun ka uni upí sinánñu ax 'atimokin tëmëramikë 'iti 'ikën.
22 'Aínbi ka Nukën 'Ibun uikamax kara 'ain bana 'ai ami katamëtia akama ië́mia;
¡usa 'ain ka a unikamax kastikankëma 'iti 'ikën!