Nukën 'Ibu ax ka 'apuira 'ikë kikë bana
93
¡Nukën 'Ibu Dios ax ka 'apuira 'ikën!¡Usa 'ixun ka aín kushínbi chaiirabu ñukama 'á 'ixun a 'unánun nu ismiaxa!
Usa 'ain ka me uniotankëxun anuaxa shaíkitëkëntima okin nankëxa.
2 Usa 'ain kamina bërámabi 'apu 'ia 'aish bëríbi mix usabi 'ain,
¡Mix kamina bërámabi usabi 'iakën!
3 Nukën 'Ibu Dios,
bakakamax ka chaiirabu 'inun bëchuni tuki banaia;
4 'aínbi kamina mix naínu Dios baka bëchunan kushisamaira 'ianan,
parúmpapakama bëchuni tuki banarukë usamaira 'ain.
5 Nukën 'Ibu Dios,
a tanti min banakama ax ka uisaibi 'itima okinmi nan 'ikën.
¡Anuxun mi rabiti xubunu 'ikë ax ka upíira 'ikën!