Nukën 'Ibu Diosan ka ainan 'inun nu uniokëxa ki kantati bana
100
¡Nukën 'Ibumi ka kuëëni kantakan,kamabi menu 'ikë unikama!
2 Kuëënkin ka Nukën 'Ibu rabikan;
¡usai 'ika munuma banai kuëëni kamina anuxun a rabiti xubunu rikuatsinkanti 'ain!
3 Usai 'ikin kamina upíokin Nukën 'Ibu ax ka Dios 'ikë kixun 'unánkanti 'ain;
an ka nu uniokëxa usa 'aish kananuna ainan 'ain;
nux kananuna ain unikama 'ain, ¡usa 'ikë ka unían ain ñuina 'arakakësa usaribi 'ikë nu bërúaia!
4 Anuxun a rabiti xubu ain xëpútikama anu kamina rikuatsinti 'ain,
rikuatsini kamina anun rabi kantati aín bana anun kantakin rabikin asábi ka
¡kakin upíokin sinánkin aín anë rabiti 'ain!
5 Nukën 'Ibu Dios ax ka upíira 'ikën; an uni nuibakë ax ka bërí 'a 'ixunma nu nuibakë 'ikën,
'ianan ka an upí ñubu 'a ax uínsaranbi këñutima oi 'ia 'ikën.