Diosan ka bërúankin mi 'akinti 'ikën kikë bana
121
'Ëx kana aín bashikama iskin sinani 'ësai kin;¿Uinuax kara an 'ë 'akinti uti 'ik?
2 An 'ë 'akinti ax ka Nukën 'Ibunuax uti 'ikën,
an ka naíkamë 'ëo 'imainun me uniokëxa.
3 ¡Dios an ka uínsaranbi 'atima ñu inuti tëmëranun mi 'imitima 'ikën!
¡'Imainun ka uínsaranbi mi bëruankin 'akini 'uxtima 'ikën!
4 Ax ka uínsaranbi 'uxkëma a 'ikën;
usa 'aish ka uínsaranbi Israel unikama bëruaibi 'uxima.
5 Nukën 'Ibu ax ka an mi bërúankë a 'ikën;
usa 'ixun ka Nukën 'Ibu an uisaibi 'isama okin mi bërúankin 'akinia,
uin kara an 'akësaribi okin mi rapasu 'ixun ka mi ënkinma 'akinti 'ikën.
6 Nëtë́n ka barin mi xarotima 'ikën,
'imainun ka imë́bi 'uxë́n mi 'atima otima 'ikën.
7 Nukën 'Ibu Diosan ka kamabi ñu 'aisama inuti 'ikëbi mi bërúaia
usa 'ixun ka an upitimi tsónun mi 'imiti 'ikën.
8 Diosan ka mi bërúankin bërí 'ananbi xënibua 'aínbi,
uinu karamina kuani anuabi mi 'akinti 'ikën.