Jerusalén ëma ñui kantati bana
122
¡'Ëx kana ësakian 'ë kakankëx kuëëankën:Anuxun Dios rabiti xubunu kananuna kuanti 'ain!
2 Bërí kananuna Jerusalén,
¡xëkuë 'ukëmëu 'ain!
3 Jerusalén ëma birukin 'a ax ka
kamabi unikama anu timë́ti 'a 'ikën.
4 Usa 'ain ka anu timë́xun Diosan anë rabi ñaká itsi ñaká itsinuax
Israel unikama Diosan kásabi oi 'ia.
5 Anu ka anuxua 'apukaman ñu 'atima 'akë unikama uisoti kara iskë a 'imainun.
David anu 'ikë 'apun xubu a 'ikën.
6 Mitsux kamina mitsun nuitunënbi upíokin sinani kiti 'ain:
Jerusalén anu ka an mi nuibakë unikama chuámarua bukukanti 'ikën.
7 'Ianan ka min ëma kënëara mëu 'ikë unikama atúxribi uisabi okëma 'iti 'ikën;
'imainun ka anu 'apu timë́kë xubukama axribi upíokin unin bërúankë 'iti 'ikën.
8 Usa 'ain kana bërí 'ën xukë́nkama 'imainun 'ën 'unánkë unikama kati 'ain;
Axa Jerusalénnu 'ikë unikamax chuámarua 'iti kana kuëënin.
9 Usa 'ain kana Jerusalén anuxun Dios rabiti xubu anua 'ain,
upíokin bërúankë 'iti kuëënin.