Diosan ka nu ënkinma 'akinia ki kantakë bana
124
Nukën 'Ibu nubëma 'ixun nukama 'akianma 'aish karanuna uisa 'itsían —kiax ka Israel unikama bërí kiti 'ikën—,2 Dios nubëma 'ixun nukama 'akiniama ka axa numi nishkë unikaman nu 'anux mëníoka kuatsini ukin,
3 nukama añu ñubi sinánkë 'ikëmabi këñukin ñu 'akë 'itsíanxa.
Atux ka 'itsaira numi nishakëxa.
4 Usokin 'akin ka 'umpaxan 'ëkin mapurukin 'akësa okë 'itsíanxa;
¡kushínbi bakan ñu rinbiankin uankë usaribi okin nukama 'akë 'itsíanxa! Diosan nu 'akianma 'ain.
5 ¡Usokin 'an ka baka chubë́ira ax
nunun 'inúkë 'itsíanxa!
6 ¡Usa 'ain kananuna Nukën 'Ibu ami sinánkin rabiti 'ain, an ka axa numi nishkë unikaman uisakin kara 'aisatania usakin 'akian xëtan tëapakësa usokinshi 'atanun nu ëanma 'ikën!
7 Usa 'ain kananuna an ñuina biti 'unánkë unían anun ñuina pëchiu biti nankë;
a chankabuini nukama chikiakën.
8 Nukën 'Ibun ka nu 'akinia,
an ka naíkamë 'ëo 'imainun me uniokëxa usa 'ixun.