Nukën 'Ibun ka kamabi ñu 'imia kikë bana
127
Nukën 'Ibun xubu 'akëbëma kaan 'akë unikama an tëkëbi ñankanbi tëkë 'iti 'ikën;
Diosan ëma bërúankëbëma ka
ñankáishibia an bërúankë unikaman bërúankë 'iti 'ikën.
2 Pëkarakëma 'ainshi 'apunkin bari kuantamainun ñu mëëkë ax ka ñankabi 'akë 'ikën
'imainun tëmërakin ñu bixun pikë ax ka 'aisama 'ikën,
usaia 'imainun ka Diosan an 'unánkë unikama upiokin sinánxunia.
3 Unin bakë bëchikë bakënkëkama ax ka
upíokin sinánxunkian Diosanbi nu 'inánkë 'ikën.
4 Unin bëná pain 'ixun bakë bëchikëkama ax ka
achúshi uni 'akánanti 'unan 'ixúan ain piakama tuíanx upí tani kuëënkë usaribi 'inun uni 'imia.
5 ¡Chuámarua ka pia 'itsa ñu uni ax 'ikën!
Usaribi ka bakë bëchikë 'itsañu unin tania,
Usa 'ain ka axa ami nishkë unikaman ismainun
an bana mëníokë unikaman kuënkëx anu kuania atun bakë bëchikënën 'akinkëx rabinkë 'itima 'ikën.