Nukën 'Ibun ka ami katamëkëxun nu 'akian 'ikë kikë bana
130
'Ën 'Ibu Dios 'ën 'akë ñukaman 'imikëx kini 'ukëmëu nipakëkësa,'ixunbi kana mi ñukákin ënkëma 'ain:
2 ¡'Ën 'Ibu Dios 'ëx mi ñukáti munuma kia kamina kuati 'ain!
¡Min kamina 'ën ñukákëxun min pabitan kuati 'ain!
3 'Ën 'Ibu Dios, minmi unin 'ucha 'unánkëbë kara,
¿uix mi rapasu kuanti 'ik?
4 'Aínbi kamina min nux 'uchakëkama nu mëníoxunin,
usa 'ixun kananuna nun mi rabiti kuëënin.
5 'Ën bëru ñunshin bëtanbi kana Dios kainin,
usakin 'ai kana ain bana kuati ami katamëtin.
6 'Ën kana Nukën 'Ibu Dios kainin,
an ñantan bërúankë unían pëkaratamainun 'akësamaira okin.
An bërúankë unikaman pëkaratia kainkë usaribiokin,
7 usaribi okin kamina Israel unikama mitsun kaínti 'ain,
an ka asérabi nuibanankë 'ixun nux uisaibi 'iti kuëënima.
8 ¡An ka Israel unikama nuibakin, atun 'uchakëkama tërënxunti 'ikën!