Babilonia baka 'urama tsótax masá nuituti 'ia ñuikë bana
137
Anu nu 'ikë Babilonia anuax kananuna anu 'ikë bakakama 'urama tsótax,masá nuitukin Jerusalén sinani iankën.
2 Álamos kakë ëma rapasu 'ikë i aín pëñanu kananuna nun arpakama bëntankën.
3 Anuxun ka an nu bibiankin uankë suntárukama,
'imainun kamabi an nu bibiankin uankë unikama atúnribi,
kuëëni kantanun kixun nu kakëxa;
¡Kakin ka nun me Jerusalén sinani kantanun kixun nukama kakëxa!
4 ¿Usa 'aish karanuna Nukën 'Ibu Dios,
rabi bëtsi menuax kantati 'ain? ¡Karanuna kantatima 'ain!
5 ¡Jerusalén, 'ëx mimi manukë 'ain, ka
'ën mëkën anun ñu mëëtisama 'aisama 'inun 'ë 'imikëma 'ain!
6 ¡'Ianan ka 'ën anaribi 'ën manxántami,
takáshki mi sinánkëbëma 'iti 'ikën,
usa 'ain kananuna 'itsaira kuëëni Jerusalén ami
sinani manuti 'ain!
7 Nukën 'Ibu Dios edomita unikamax,
Jerusalén ami nishkë unikaman 'akëbë ësai kia, a kamina sinánti 'ain:
¡A ëma ka ami birukian 'a akama rurupakin 'akin këñuti 'ikën!
8 ¡Babilonianu 'ikë unikama mitsúxribi kamina këñúkë 'inuxun 'ain!
¡Chuámarua ka an nu 'asaribiokin nunun rabanan kupikin uisakara oisatania usokin mi 'akë ax 'iti 'ikën!
9 ¡Chuámarua ka an mitsun bakë bëchikëkama,
anun ëma kënëara ami bixun rëkë unikama atux 'iti 'ikën!