Uisa ñu karamina inúti 'ai kixun 'unánimabi kamina upíokin sinani të́ti 'ain
11
Mix bakan nikin nuntin ñu marui tëmërai nikë 'ixun kamina mix;usai 'i tëkë anun karamina ñuñu 'i kixun 'unánti 'ain.
2 Mix kuríkiñu 'ianan ñuñu 'ixun kamina min ishi nankinma bëtsinu bëtsinu nanti 'ain,
usokëx ka min nankë ax këñúkëbëbi amanumi nankë ax mix 'atima ñu inúkëbëbi min nankë ñukama ax bëtsinu 'iti 'ikën.
3 Nëtë kuin tunan kuatsinkë ax ka
menu 'uí 'ibúnuxa 'ikë 'ikën.
'Ianan ka i aín tsipumiu ki bëukutia
'ikatsi aín rëbumi ki bëukutia,
ax uimiu kara bëukuaxa anubi rakatia.
4 Uix kara ñu mëëimabi uisa ñu kara inuti 'ikë kixun sinánishi tsótia, ax ka
anun ñu 'apáxun ain bimi biti nëtëkama inútamainun ñu mëëimabi tsótishi sinania.
5 'Ianan ka uínbi uimiu kara suñu bëkia kixun 'unanima,
'imainun ka uisari kara tuá aín titan puku 'ukëmëu 'iruia kixun 'unanima,
usaribi okin ka unin Dios kamabi ñu an unio an kara uisokin ñu 'aia kixun 'unanima.
6 Min ñu ënxë 'apákin kamina ñantámashi 'ati 'ain, 'apunkin kamina xupinbukëbëtanribi 'apáti 'ain, 'aínbi ka uin kara bari kuabuti ñantabukëbëtan 'aia an ka aín ñu bëru 'apákin këñuima, usa 'aínbi ka uínbi 'unanima uinu 'ikë ax pain kara upiti bimiti 'ikë, a pain 'apákë ax 'ima kara tsiankin 'apákë ax 'iti 'ikën, a pain 'apákë an 'akëbëtanma kara tsiankin 'apákë an upíokin tuati 'ikën, 'akima kara 'aisamaira 'itánun a rabë́xunbi tuati 'ikë kixun ka 'unanima.