'imainun ka bëtsi bëtsi ëma 'ura 'ikë anu 'ikë unikamanribi 'ëx kia kuati 'ikën:

Nukën 'Ibun ka 'ën titan 'ë tuakëma pain 'ikëbi 'ë kaisakëxa;

usa 'ixun ka 'ën titan puku 'ukë mëu 'ikëbi 'ën anën 'ë anëakëxa.

'imikëx kana kuaisabi 'itánun banakën,

'imainun ka aín mëkënan unëkësa oxun bërúanan 'ë 'akiankëxa,

usakin 'akinkin ka axa 'akánanti 'unánkë unin 'akanankin bitëkënuxun aín pia nëaxun nankësa,

usaribi okin Nukën 'Ibun 'ë bërúankëxa.

usa 'ain ka mixmi 'ën kushiñu 'ikë 'unánkanti 'ikën.”

tëmërai tëkin 'ën kushi këñuin.”

'Aínbi ka asérabi 'ën 'akë ñukama ax Nukën 'Ibunu 'ikën,

'ën biti ñukama ax ka kushi 'ixun Diosan 'ë 'inánkë 'iti 'ikën.

'imikin ka ami sinani kushinun 'ë 'imiaxa.

An ka 'ën titan puku 'ukëmëu 'ikëbi 'ë aín uni 'inun 'imiakëxa,

usa 'ain ka Israel unikama Jacobnën rëbúnkikama a 'ën amia sinanatëkënun 'iminun 'ë kaisa,

Israel unikama axa ñuima 'iakama a aín ñakánubi utëkënun 'akinkë ax ka 'ën iskëx sënë́nmara 'ikën,

'ën kana 'ën tirísa 'ixunmi bëtsi menu 'ikë unikama bana ñuixuanan,

uinu kara me kuainakëakëxa anubi kuankin bana ñuinun mi 'imiti 'ain.

Israel unikaman Dios upíira ax ka

ësai kia, ami sinánkima manukë ëmakama bëtsi ëmanu 'ikë unikama ami nishkin timakë,

unikama ax 'apu 'ixun ñu mëëmia a unikama ñui ka ësai Dios kiaxa:

“Uínsaran kara 'apukama 'imainun aín kushikama mi isia anun ka

nirukianx rantipuruni mi tanain tsóbuti 'ikën,

'ëx Israel unikaman Dios upíira 'ixun kana 'ën mitsu kaisa 'ixun 'ëx kikë usabi okin 'ati 'ain.”

“Anun 'ën mitsu nuibati nëtë 'ikëbëtan kana nuibakin;

mitsu kati 'ain, anun mi ië́të nëtë ka uaxa, ësokin kakin kana mitsu 'akinti 'ain.

'Ën kana mi bërúankin 'akiankën,

'ëx kia bana axa mitsunubi 'itiokinmi min unikama 'unánminun,

'ianan anubi 'itiokin achúshi ñu 'ën unikabëtan 'akën,

'imainun mitsun mekama axa mitsumi nishkë unikaman 'atimokan a bitëkënun,

'Imainun ka axa bëánkibukënu 'ikëkama: Atuxribi nëtë xabá isnun ënkë 'iti 'ikën.

Kamabi baikama 'ipitinua kamina pasto mëranan, anu uni 'ikëma bashi akamanuabi mitsun vacakaman piti mërati 'ain.

'ianan kamina barin xarokëxun tani masátima 'ain,

'ën kana nuibakin bërúain usa 'ain,

usa 'ain kana 'umpax upíbu manámi ki chikíkë anu buánti 'ain.

'ianan kana baikama a sapan 'inun 'imiti 'ain.”

'urakëoxbi ukanti 'ain:

axa aín tsipúmiax uti axa amiax umainun ka amia bari kuabúkë amiaxribi uti 'ikën, umainun

ka Asuán kakë me amiaxribi aín patsan uti 'ikën.

¡'Imainun ka bashikaman kuëëni kushin kantakin upí tania!

¡Usai ka Nukën 'Ibun aín unikama tëmërai masá nuitutiabi an nuibakin kuëënun 'imikëbë 'iti 'ikën!

Nukën 'Ibun ka nukama rakankëxa,

nukaman Diosan ka nu manuakëxa.

'Aisatankin ka xanun aín tuá manuti 'ikën,

'aínbi kana 'ën mitsu uínsaranbi manutima 'ain.

usa 'ikë kana 'ën mëkënu mitsun anë 'akësa 'ixun, anun mitsun ëma kënëara kënëkama a manukinma xënibua 'aínbi sinanin.

an mi rurupa unikama kuansamaira kiani ka 'ishtuinra kuanxa;

an min ëma 'atimokin masókama atux ka kuanxa.

uisai kara 'ura buánkan unikama minu uax timëaxa kixun isti 'ain.

'Ëx Nukën 'Ibu 'aish kana 'ëxbi ësai kin,

usa 'ain ka a unikamax, Jerusalénnu tëñutimi tëñukësa 'ianan,

mëratiñu xanua anun mëníokakin ñukama aín naminu nankësa usaribi 'iti 'ikën.

masókin rurupakë 'iakëxa;

'aínbi ka bërí min me

unikama an 'aisamaira 'ixun anu tsókin tsitsirukëx chamara 'iti 'ikën.

An mi 'atima okin rurupa unikama ax ka bërí 'ura 'ikën.

kuamikin mitsu kati 'ikën:

Ënë ëmax ka chukúmara nukamanan 'ikën;

usa 'ain kamina achúshi me nu bixunti 'ain.

¿Uin kara nun bakë bëchikëkama ënë bëchinun nu 'amiakëx?

Nux kananuna bakë bëchikëñuma 'iakën usa 'ixun, kananuna bakë bëchitisa tankinbi bakë bëchiama 'ain;

usa 'ain ka Jerusalénnu tsókë unikamax bëtsi menu uankë 'aish timakankin ënkë 'iakëxa,

¿uin kara bërúanxun kaniokëx?

Anu 'ikë unikaman ka Jerusalén ashira ëanxa,

¿uinuax kara atux uakëx?”

“'Ën kana bëtsi menu 'ikë unikama kati 'ain;

'imainun kana bëtsi ëmanu tsókë unikama achúshi 'inánti 'ain,

usakin 'akin ka min 'ini bëchikë xanukama papixun bëkësa 'inun bëti 'ikën.

'imainun 'apun xubunu 'ikë xanu upíbu akamaxribi ka an tuá xukama bërúankë 'iti 'ikën.

Usakin 'ai ka mitsu bëtánain ñanati 'ikë ax

mitsun kakësabi oi kananuna 'iti 'ai kixun sinania 'ikë 'iti 'ikën.

Usai 'ikin ka 'ëx kana Nukën 'Ibu 'ai kixun 'unánan,

uix kara 'ëmi katamëtia ax ka uínbi paránkëma 'iti 'ikë kiax kiakëxa.”

'akanankin bëtsi kupitanuma 'axun bikë ñu a bikuantisa 'iti 'it?

¿Ñatankin 'atimaira sinanñu 'apun bikë ax kara anuax abáti 'it?

“Kushi uni aka 'akanankian bikë ñukama a bëtsi unin bikuanti 'ikën,

'ianan ka 'apu 'atimaira sinánñu a bëtsi unin aín ñukama bikuanti 'ikën.

'Ën kana axa mitsubë nishanani kuëbikanankë uni a kamabëtan isti 'ain;

'ianan kana mitsun bakë bëchikëkama ië́miti 'ain.

usakin 'amianan kana aín imibi xëatankëxa paë bata vino 'akë xëatankëx 'ikësai paënun 'imiti 'ain.

Usakin 'aia ka unikaman 'ëx aín 'Ibu 'ixun atu ië́mia kixun 'unánti 'ikën,

'ëx kana kushiira 'ixun an Jacobnën rëbúnkikama 'akianan, tëmëraiabi chikian a 'ai kiax ka Dios kiakëxa.”