- Deus, ira khai oni'aki ho.

Idanonia hora ino'aki i, oniani ida ova'i-ra naja-hajaha'ia.

Ija'ari hora vakaihamahiki hora vakaihimoraki viniki-ra va'ora okanahahaniha-vini hiki isaia hora ino'a'avini.

Deus khai hora ni'aki hora ikajoamora'avini.

2 Ijahaka'oaki i. Ni-nahina jahariki hojaki kadania. Ni-hojaki deus hoariha ifori hiki.

Ikaabokaki ida haria iakava'i-joavini, haria iakadava'a-jahakivini.

Ni-hojaki akadava'ahi abono ifori hiki - nihi ida Ana Deu-ra vara ni'avini.

3 Oniania Ana vara bivani'ahi ida Deus kavarani namitha'iariki. Nihahi:

Hari'a avaabononi vavabo-raboraha.

Deus ka'oa vania biogaja ida hahavi ija'aria bada vani'aki. Deus ka'oa vani ija'ari-ra no'aja bana vakadibadani abosini afohanana.

4 Deua bi'daniki ida sorara vadanoki vakadikodahi, kaba'i va'ora nadanoki bana adani sorara vada-noriki.

5 Ija'ari vai'ami-ra avigariki

Deus va'ora navai'amiki.

Ija'ari vavai'amibakhiaki

Deus va'ora no'aki 'bai ipohikia.

Gamo isabakhiariki Deua bino'aki isai 7 vihiki vaipohina. Gamo idai vaipo-hiki-ra vahojaki ni-isaja-naki.

Nimania ida Deus ija'ari-ra kavarajomivini. Va'ora anava'i'aipahi hiki adani ija'ari vaabono vavabora-borahaki,

Kaba'i Deus va'ora nava'ija-hajahaki adani vaabono vavaboraborahariki.

6 Deus vania bivaka'da'dija ida ija'ari kamahi kam'dani, anokhomini.

Deus vani ija'ari-ra va'ahaja abinini. Deus vani ija'ari-ra anahokija.

7 Deus vani va'ora no'ara adani ija'ari nahina ahapiki, ahapirikia afonana.

Deus vani va'ora anava'i'ai-pahihira adani ija'ari vahoarahanana.

Deus va'ora nava'ijahajahaki adani vahoariha.

8 Deus va'ora kakodiaki bana adani ija'ari vakanahina-riki.

Arabo kaka'da'dini kaisai fori vihina Deus va'ora kahiki adani.

Arabo kaka'da'dini kaisai kavithi ibavinia va'ora navithiki ada Deus, ija'ari vahoariha va'ora vavava'i- hara kaimoni.

Deua binamonahaki ida arabo hahavi. Kidiani ida.

Ovaria bivaka'da'diki ida.

9 Deus va'ora akadava'aki adani kidija'ari vakaijokana vihiki.

Va'ora nihimaki adani ija'ari vajahariki. Bakibakiki fori hiki ida vakadimahi.

Deua bianavisoniki ida vakadivarani.

Ija'aria ni-vakaabokaki ida vaabono avakava'ijoavini vadanona kaba'i.

10 Deus va'ora nihimaki bana adani ija'ari Deu-ra vakaihamahiki.

Deua bihonariaki ada bahi tararahadanokiki vakadiania, va'ora naimahidaki kaimoni.

Deus va'ora no'aki bana adani ija'ari arabo hahavia vahojaki vakadibadani abosinia. Badani jahaki, abosini jahaki, badani jahariki abosini jahariki va'ora no'aki bana.

Deus binadanoki ada arabo kaka'da'dini binagathogathoki bana.

Deus vani bana va'ora arakhara adani ija'ari ka'da'di-ra vakaihamahiki ka'da'di sa'a kabodinia.

Niki ida Ana kavarani.

Deus kavarani namitha'iarikia kavaraniki ida.

11 Hari. Ai vihi'aha adani Ana. Hojaroni'aha ada Samuel isai pa'isi hina kaba'i.

12-14 Hari.Sasidotxi ada Eli. Sasidotxi jaboni adani kidisai. Jahariki ida Eli kaisai vakadihojai. Ni-vakaipahiki ada Deus, ni-vanaa-baki jaboni ida Deus kava'isohihi.nIja'ari Deu-ra vakavikhavini vihiha adani ovilia, 'daama kahidari vihiki; Eli kaisaia vakaronaha ada sasidotxi kahonai abono, bianija kaimoni ida baimana pitahani vakadimoni. Hihida sasidotxi kahonai abonoa bisakaki ida baimana si'aha kabodinia hojaki ka'domahani oadani. Garfo karahoa bitxagafariki ida baimana, sasidotxi vakadimoni ida. nikia Eli daisai va'ora vanahojaki adani ija'ari Silóa avikhaki.

15 Hari. Basina aniani viahania Eli kaisaia vakarona'ianaha ada sasidotxi kahonai abono afo'iana, bikanikhariaja kaimoni ida baimana pitahani amaki vakadimoni. 'Bo'dakari Deus athi kapapirania bini'aki:

“Hari'a vaha hida basina.

Jahaki hida aha'dini Deus kanava'igana kaimoni hini.” Nihi ida Deus athi kapapirani.

Nihaha'oadahaki ada sasidotxi kahonai abono:

- Hora baimana oirania sasidotxi vakadibasika kaimoni. Sasidotxia nibigathanivini binofiki ida baimana ka'domahaki, binofiki baimana amaki ka'oa.

16 Ija'aria avanaabosihi ida athi:

- Hari'a nikia kahojai! Basina aha'dini naothinia iavikha hida baimana pitahani.

Sasidotxi kahonai abonoa bigathani'ihi nida ija'ari vaathi:

- Iniani. hora baimana basinaki amakia. Hora ino'arihi; osaarihi oni baimana pitahani - niha ada Eli kaisai kahonai abono.

17 Niki vania Eli kaisaia vakaihimoraja ida Deu-ra vakanava'igavini. Deua ni-bivajahapa'itxiki ida Eli kaisai vakadihojai asohiriki.

18 Hari. Samuea bada bini'a'ihi ida Deus kabadani Deu-ra khai vani'avini ibavinia. Samuel isai hina kaba'i bikaimaha'ihi ida sasidotxi kamakari.

20-21 Hari. Eli va'ora vara ni'a'aha:

- Jakana Deus a'onira no'a'ianava isai hoariha, hihada isai Ana bikanava'igavini hi'iki naothi aja'dini kaimonia - niha ada Eli.

Naothinia Elcana, Ana khama va'ajihi'aha vagorana. Hari. Deua bikajoamaraki ida Ana, oniani ida Elcana bivaisa'ianavini hija. Isabakhia'iki ida Ana. Va'banahanana'aha adani makhira isani avahoarabakosiki, gamo isani vi'bamiki vihiki. Hari. Avijava'iki ada Samuel Deu-ra khai vani'avini ibavinia.

22 Hari. Na'arihavi hiki ada Eli. Bikamitha'ihi ida kidsai varana vihina nahina hahavi asohiriki-ra vanamonahavini Israel kaija'ari vakadiania. Bikamitha'ihi jaboni hida kidisai gamo-ra va'ora vavi'omavini Deus khai ni'ana kagorani kathania.

- Niha avakhanimanija badani kaipahivahakia avakabadaniki? Ija'ari hahavi hora vananamitha'iki avakadibadani jahariki bada avani'a'ikia. Kodsai, hari'a nikia vakahojai! Ni-ovajahapa'itxiki ida avkadohojai monini okamitha'iki niha ada Eli.

25 Niha'ianaha ada Eli:

- Bada avani'a'ihi ida badani jahariki ija'ari vahoariha vakadiania, Deua bikaabokaki ida a'onira akava'ijoavini. Bada avani'ahi ida badani jahariki Deus kania, ni-na-hina a'onira akava'ijoarihi bana.

Hari. Deua bikava'ibodivarani'iki ida Eli kaisai-ra va'ora naabi-nivini, oniani ida vakadiabi'i athira vakamitharavini hija.

26 Hari. Avijavamaniha ada Samuel. Deus, ija'ari vihikia vava jahaki ada.

27-28 Hari. Deus athi namoniva abono okhaha Eli kania. Deus athia bini'aha: 'Bo'dakari va'ora onanokiahiki adani kadaija'ari avikhananavaki Egitoa vahojana kari kodihojaia. Va'ora onagathogatho'iki adani kadaija'ari kodisasidotxi kaimoni vihina. Sasitotxi vakadibadani ida igitha abononi-ra avanaha'divini ija'ari hora vakanava'igavini hi'iki. Sasidotxi vakabadani jaboni ida incenso-ra avanaha'di-vini ija'ari hora khai vani'avini ibavinia. Onofiki ida jaboni sasidotxi kamakari-ra vakaimahavini oviaha. Sasidotxi-ra va'ora ova'ahaki ho vagathanija kaimoni ida igitha imani pitahani ija'ari hora vakavikhabakhiavini hiki.

29 Israel kaija'ari-ra vo'ora ohonariaki ho hora vakanava'igara kaimoni hora khai vani'avini ibavinia. kaba'i avakaihimorahi ida ija'ari hora vakanava'igavini avakadibadani asohirikia. Ira onana'dohiki bana ho: Niha inimanija kadaisai-ra va'ora inakaidivajahakiki, hovani ni-hora inakaidivajahakiki? Niha inimanija kadaisai-ra va'ora iva'ahaki vabasinana? Vaani'iki ida baimana jahaki basinaki kodija'ari hora vakanavaa'igavini hi'iki, va'ora nabasinanana'iki ida.

30 Hovani Deus, Israel kaija'ari hora khai vani'abakhiaki ho. 'Bo'dakari hovani Deus, kadaija'ari avikhananavaki-ra va'ora onava'iponi'iki ho kodisasidotxi avihija kaimoni afoha'oadaha. Niki ni-o-nofijanaki. Va'ora ovava'ihaki adani ija'ari hora vavava'ihaki jaboni.Ni-va'ora ovava'ihaki adani ija'ari hora vavava'ihariki.

31 Mitha ini'a! khaki bana hida mahi kadaija'ari vanamitharonisia-gaki-ra va'ora onihimavini kamahini. Ni-kadaija'ari makhira hoarana na'arihavi hiki bana.

32 Inokiki ida bana nahina jahariki hora khai vani'avini ibavinia. Iva'ini-ra rogo ani'aki bana ida. Va'ora okajomoraki bana adani Israel kaija'ari hahavi. Ivani, kadaija'ari vanamitharonisiagaki kama bana, ni-a'onira okajoamoraki. Avakadiania ni-makhira hoarana bana na'a-rihavi hiki.

33 Va'ora onaabiniki bana adani kadaija'ari vaipohiki. Hi'adani kadaija'ari ava'aani'iki imai 'banani karaho-ra vavahojaki bana, oniani ida iva'ini-ra namoka-rakarahoja bana. Kadaija'ari vana-mitharonisiagaki hahavi vaabiniki bana imakhinava vihina oadani.

34 Mahi hoarani vaabini'bamakha-maki bana adani kadaisai Hofni, Finéias khama. Vapohimajana kamahini iogaki bana hida oathi ka'oa hini.

35 Hari. Onagathogathoki bana ada sasidotxi hoariha kodimoni kidimahi sohika'oaki. Binamona-haki bana hida nahina hahavi ohonariavini hiki. Va'ora okajoamo-raki bana adani kidija'ari. Va'ora ova'ahaki bana adani kodisasidotxi vihira kaimoni. Bada vakhaniki bana adani arabo kaka'da'dini onagathogathoki bana vaviaha.

36 Hi'adni kadaija'ari ava'aani'iki ava'aasiaki bana adani hi'ada sasidotxi onagathogathoki viaha. Ava'aasiaki bana adani, jiniro pa'itxi, pão kapa'itxi-ra vakanikhariara kaimoni. Vakhaniki adani: “Haria koda iva'aharia sasidotxi kabadani pa'itxia ariabono akaijahitavini kaimoni?” Niha ada Deus - nima-nia ida Deus athi namoniva abono athi.