Deua bibaranahaki ada Samuel
3
Isai hina kari ada Samuel, bia-kudiabakhiaha ada Eli Deu-ra khai vani'avini kagurania. Oniaro kari ni-ija'aria vakamithabakhiaki ida Deus vara nina, ni-vanokibakhiaki jaboni ida vadami fori hiki.2-5 Hari. Kamaodorohana kama-'da'iki ada Eli. Eli vidi'iki kidivada ibavinia gorana. Samuel vadi'iki Deu-ra khai vani'avini kagorania. Arca kamaakarinia vadi'iki ada Samuel.
Hari. Joma vania Deu-ra khai vani'avini kagorani kalamparinani asia ha'dini kaba'i, Deua bibarana-ha'aha ada Samuel:
- Samuel! Samuel!
- Hai. Hida ohojaki ho - Samuea bigathani'ihi.
Ki'daraha'aha Eli kania, Eli-ra ni'aha:
- Hora ibaranahamanija?
Hida ohojaki ho - niha ada Samuel.
Eli Samuel athi-ra anaabosi'aha:
- Iniani. Ni-ira obaranaharihi.
Ajoimi ijorani kania - niha ada Eli. Ajoimi'aha ada Samuel.
6 Hari. Mitihitihini Deua bibaranaha'ianaha ad Samuel. GAma-'aha, okha'ianaha Eli kania, Eli-ra ni'a'ianaha:
- Hora ibaranahamanija?
Hida ohojaki ho.
Oniaroa Eli athi bigathani'ia-naha:
- Kodisai, ira obaranaharihi..
Ajoimi ijorani kania - niha ada Eli. Ajoimi'ianaha ada Samuel.
7 Hari. Deus Samue-ra vara ni'abiininivini mani ida Deus athi hini bioga'iaravini hija.
8-9 Hari. Deua bibaranaha'ia - naha ada Samuel.
- Samuel! Samuel!
GAma'ianaha, okha'ianaha Eli kania, Eli-ra ni'a'ianaha:
- Hora ibaranahamanija?
Hida ohojaki ho - niha ada Samuel. Jorakia va'isohi'ini'aha ada Eli, Deus ada Samue-ra bara-nahara. Oniania Samue-ra ni'aha:
- Ajoimi ijorani kania. Deus ira baranaha'ianahi, ini'a bana: “Deus, hora vaara ni'a bana, kada-hnai abono ho. Mitha oni'aki hida kadavarani.” - nihi ida Eli Samue-ra nava'isohivini. Ajoimi-'ianaha ada Samuel jorana kania.
10 Mitihitihini joi'ianaha ada Deus Samuel kania. Gaakosoana bibaranaha'ianaha ada Samuel:
- Samuel! Samuel!
Samuea bigathani'ihi ida Deus athi:
- Ba vara hora ni'a. Kadaho-nai abono ho. Mitha oni'aki hida kadavarani - niha ada Samuel.
11-14 Oniania Deua bini'aha:
- Va'ora onapohimajaki bana adani Israel kaija'ari vaipohiki, oniani ida ija'ari hahavi moni-ra vakamithaki-ra va'ora naimahidaja bana. Kaikahiki bana hida mahi Eli, Kidisai khama va'ora onapohi-majavini kamahini. Onanamithaha-haviki ida oathi vara ovani'ajora-'iki vakadiania. Eli kaisai vanamo-naha'iki ida hojai asohiriki ovaja-hariki. Elia biogavini kaba'i ida kodiva'ibodivarani, ni-va'ora kaabaniki adani kidisai, oiani ida Eli, kidija'ari khama vakadibadani jahariki ona'biraravini hija bana.
Hora vakanava'igavini kaba'i igitha aboni aha'dikia, ni-ona'biraki bana ida vakadibadani jahariki - niha ada Deus
15-17 Hari. Samuel hojaki jorana kania. Vagavagavini Samuel biakarabikhaihi ida Deu-ra khai vani'avini kagorani kaathani. Bifiniki ida Eli-ra nanamithavini hini ida Deus athi. Oniaroa, Elia biba-ranaha'aha ada Samuel, binana'dohi'aha:
- Kodisai, nahina mani ida Deus ira nanamithavini hija? Hari'a nahina-ra anahoja. Nahina-ra ianahojahi; Deus jaharikia ira ara-khaki bana i - niha ada Eli.
18 Oniaroa, Samuel binanamitha'aha ada Eli nahina hahavi bikamitha'ikia. Ni-nahina-ra anahoja'iki. Hari. Elia bini'aha:
- Deus ada. Jakaho binamo-nahava ida nahina asohiki binofiki - niha ada Eli.
19-21 Hari. Avijavaminiha ada Samuel. Deus hojaki kidiania.
Deua binanamitha'iki ida nahina hahavi Samuea vara bivani'a'iki.
Oniania Israel kaija'ari hahavia aviga'aha ada Samuel Deus athi namoniva abono ka'oa hina. Mahi ipohikia khaki Deus ada Samuel kania. Deua binanokiabakhiaki ida kidihojai Samuel kania, vara bini-'aki jaboni da. Deua bivahoja'iki ida varani Israel kaija'ari vakadimoni, oniani ida Samue-ra nana-mithavini hija. Samuel maina vara bivani'aja ida.