Filisteus kaaraboni kaija'arinia vakosaariki ida arca.
4
1-2 Hari. Israel kaija'ari va'ora vanadanodano'aha adani filisteus kaaraboni kaija'arini. Israel vakadisorara vaabono vanaibavi'iki Ebenézer kaibavinia. Filisteus vakadisora vaabono vanaibavi'iki Afeque ibavi onikia. Hari. Vaabono vakanadanodanokhama'aha. Filisteus kasorarani va'ora vanaabini'aha adani Israel vakadisora 4 mil vaipohina.3-4 Oniaroa vajoi'aha adani Israel kaija'ari vakadivada ibavinia. Vakadika'da'dia vakava'ibodi varani'ihi:
- Jahaki bana ida arca Silóa kahojaki-ra akanikhavini, akadisorara vahararana kahojaja kaimoni. Kahojahi ida arca; hojaha ada Deus akadisorara vakadiharia vakadiania, haria akava'ijoara kaimoni-niki ida Israel kaija'ari vakadika'da'di vkadiva'ibodivarani.
Oniaroa, avakanikha'ihi ida arca. Eli kaisai Hofni, Finéias khama vikha'iki jaboni.
5 Kakaikahi'ihi ida arca. Oniaroa vabodi'baraha1aha adani Israel vakadisorara. Birara'ihi ida arabo. Khai vakhani'aha adani sorara.
6 Hari. Filisteus kaaraboni kaija'arinia vakamitha'ihi ida Israel kasorara vakadibodi'barahi. Oniania vaabono vakanana'dohikhama'aha:
- Niha vakhanimanira adani Israel kaija'ari vabodi'barahaki?
Oniaroa, vaakamitha'ihi ida Deus ka'arca Israel kasorarani vakadiania kakaikahini kamonini.
7 Hari. Oniaroa vaofini'aha adani filisteus kasorarani. Vaabono vakani'akhama'aha:
- Deus oamani ada kaikahi'ara danodanoi ibavini kania. Ni-nahina niki namitha'iaki kaho. Ni-jahaki akadimoni.
8 Nihaniki vania koda ariabono anaihotaja bana hi'ada Deus danoki sa'a kadodi-nia? Hi'o Deus danoki vani 'bo'dakari va'ora napohimaja'ara adani Egito kaaraboni kaija'arini amasia.
9-11 Oniaroa vakhani'aha:
- Hari'a aimahidava! Ni-anofiki ida Israel kaija'ari vakadihonai abono arihina. Aabono anadanova makhira danoki fori arihija kaimoni.
Oniaroa, filisteus kasorarani va'ora vanadanodano'aha adani Israel kaija'ari vakadisorara. Va'ora vanaabini'aha adani Israel kasorara 30 mil vaipohina. Hari. Aviga'iki adani ava'aani'iki vagorana. Filisteus kasorarania vakosari'ihi jaboni ida arca. Va'ora vanaabini'iki adani Hofini, Finéias khama.
12-17 Hari. Sorara hoarana ki'daraha'iki, okha'aha Siló sidaji kaija'arini vadadiania, va'ora kanamonivini hi'ihi ida moni. Eli vithiki hagihi maakarinia. Biakakakavidaki ida arca. Kamaodorohaki ada Eli. Eli kabadarana ipohini 98 hiki. Hari. Siló sidaji kaija'arinia vakamitha'iki ida moni, vabarariaria'aha. Oniaroa, na'dohi'aha ada Eli:
- Nahina mani ida ija'ari-ra va'ora nabarariariaja?
Oniaroa, Eli kania okhajoraki'aha ada sorara. Binava'isohi'aha ada Eli:
- Vigafanaha'iki adani Israel vakadisorara. Sorara vaipohiki. Vaabini'iki jaboni adani kadaisai Hofni, Finéias khama. Filisteua vakosari'iki jaboni ida arca - niha ada sorara.
18 Hari. Bikamitha'ihi ida arca kamonini, matharimanani'aha ada Eli, abini'aha.
19 Hari. Kajahavidomanihi ida Finéias kagamo. Kidi'banai kamahini amaakarimanihi. Hari. Bikamitha'ihi ida moni arca saarahi kihini. Bikamitha'ihi jaboni ida kidihadi Eli abini'ina monini. Oniania banaraha'ihi jorakia.
20-22 'Banani oadani abinihanini amaakari'ihi, amagatha abonoa bini'a'ihi:
- Hari'a imahida. Makhira isani mani hada isai.
Hari. Isai kaamia ni-bigathaniki ida amagathahi abono athini. Binaoni'aha ada isai Icabode. Bini'a'ihi jaboni:
- Akara'oki ida Deus vagana jahaki Israel kaija'ari vakadiania. Niki-ra dionivini hiki arca saarahi kihini; kidihadi, kidimakhira vaabinina jaboni.
Hari.Eli hokina oadani 40 badara ipohini va'ora vaka'da'di'iki adani Israel kaija'ari.