7
Hari. Israel kaija'ari Jearim sidajia vahojakia avakanikha'ihi ida arca, Eleazar biakakadava'aja kaimoni.Samuel va'ora vaka'da'diki adani Israel kaija'ari
2 Hari. Kahoja'iki ida arca 20 badara ipohini Jearim sidajia. Oniaro kari Israel kaija'ari hahavi Deu-ra vakanikhariabakhiavini hiki va'ora kajoamoravini.
3 Oniaroa Samuel va'ora ni'aha adani Israel kaija'ari:
- Ka'oa oamani ida avakadimahi-ra avanasohivini Deus kania? Avanofika'oaha ada Deus, vanahokahi ida Deus vahoariha avamoana. Vanaabaka'oa hida akadiDeus athi, a'onira akava'ijoara kaimoni filisteus vasa'a kabodinia - niha ada Samuel.
4 Oniaroa, Israel kaija'ari hahavia vanahokahi'ihi ida Deus vahoariha avamoana. Deus ka'oa vani ada khai vani'a'aha.
5 Oniaroa Samuel va'ora najorini'aha adani Israel kaija'ari hahavi Mispa sidajia, Deu-ra kanikharia'aha vakadimoni.
6 Ni-nahina 'baiki hi'ida mahi. Deu-ra vara vani'aka'oamani'aha:
- Deus, akadika'da'di, bada ani'a'iki hida badani asohiriki - nihi ida Israel kaija'ari vakadiva-rani Deus kania.
7 Hari. Filisteus kaija'arinia aviga'ihi ida Israel kaija'ari vajoro-nina afohahavi Mispa sidajia. Oniaroa filisteus va'ora vanigafani'aha, va'ora vanadanodanora kaimoni.
8 Hari. Israel kaija'ari va'ora vifini'aha adani filisteus vakadisorara. Samue-ra vani'a'aha:
- Deu-ra ikanikhariaha'oadaha akadinoni, Deus haria akava'ijoaja kaimoni - nihi ida vajoroniki vaathi.
9 Oniaroa, Samuea binaabini'aha ada ovilia dorona hoarana. Naothinia bianaha'di'aha ada ovilia abono Deu-ra kanava'igara kaimoni. Deu-ra kanikhariadanoki'aha ada Samuel. Deua bikamitha'ihi ida Samuel athi.
10 Hari. Filisteus vakadisorara vamaakarina kaba'i, Deua bikarona'aha ada bahi tararahaki danoki filisteus vakadosorara vakadiania. Deus va'ora naimahida'aha adani filisteus kasorarani, oniaaroa vigafanaha'aha.
11 Oniaroa Israel kaija'ari va'ora vanajoikahi'aha adani filisteus kasorarani, va'ora vanaabini'aha adani sorara vaipohiki.
12 Hari. Oniaroa, Samuel binaibavi'ihi ida ja'di rajomi kaimoni. Binaonivni ida ja'di Ebenézer. Israel kaija'ari vaathia ja'di onini:
- Niki vania Deus haria kakodiaja.
13-17 Hari. Oniaroa, Samuel hokina oadani ni-Deus va'ora va'ahajanaki adani filisteus Israel kaija'ari-ra vanigafanivini. Filisteus kaija'arinia vanajoi'ihi jaboni ida arabo visaari'iki Israel vakadiarabo pitani.
Hari. Samuel hokina oadani ni-Deus va'ora va'ahaki adani filisteus kaija'arini Israel kaija'arini-ra va'ora vidavini. Samuel va'ora vaka'da'diha'oadaha'aha adani Israeil kaija'ari va'ora nava'isohibakhiavini jaboni.