Samuel Saul khama vaabono vaakaragakhama'iki
9
1-2 Hari. Hoja'iki ada makhira Quis oniki. Benjamim kaija'ari ada Quis. Qui'a bivahoja'aha ada isai makhira Saul oniki. Makhira nokiana jahaki ada. Ni-hoja'iki ada makhira Saul fori hiki Israel kaija'ari vahararana. Makhira nama hiki ada Saul. Makhira vahoariha-ra aradaki ada.3 Hari. Oniaroa, avakamada'aha adani Quis kajumento. Quia bini'aha ada Saul:
- Avikha honai abono khama mahija jumento-ra va'ora avana ko'dihavini.
4 Oniaroa, Saul, honai abono khama va'ora avanako'dioni'aha adani jumento. Va'ora vanako'divini mahi ahoarabakosikia, vaadaha'ina napaja, ni'va'ora vakaraga'iki.
5 Hari. Oniaroa, Zufe kaarabonia vakaikahina vani Saul honai abono-ra ni'a'aha:
- Aajoi'ava. Kodiabi'i bana hada haria akavida'imarinira bana - niha ada Saul.
6 Hari. Honai abonoa athi bianaabosi'aha ada Saul:
- Hari'a kaho. Hihida ibavia hojaki ada makhira Deus athi namoniva abono. Hahavi vara bivani'aki namithaki bana. Aokha'ava kidiania. Ovaria vahabini biogaki ida hana jumento-ra akaragavini - niha ada honai abono.
7 Oniaroa Saua bini'aha:
- Aokhahi, ni-nahina-ra avahojarihi ano'avini kaimoni. Nahina hoarani-ra ivahojamanija?
8-9 Honai abno vara bini'a'ianaha:
- Ovahojaki hida jiniro pa'itxi anaabosivini kaimoni, haria nanamithara kaimoni hanaja va'ora akaragavini adani jumento.
10 Jahaki ida aokhana-niha'aha ada Saul.
11-14 Hari. avikha'aha sidajia. Vakaikahina vani vanoki'aha ada Samuel okhana Deu-ra Khai vani'avini ibavinia.
15-17 Hari. Saul vakaikahina viahania Deus binava'isohijora'aha ada Samuel:
- Afokajoma okaronaki bana ada makhira kadania. Benjamim kaija'ari ada makhira. Ikanaibavi hida basina kapa'itxi ka'da'dia. Kodija'ari Israel vakadika'da'di karajomina ida basina ka'da'dia ikanaibaviki. Kodija'ari-ra va'ora akava'ijoara kaimoni filisteus vasa'a kabodinia. Oogaki hida kodija'ari vava'i rogo inini. Okamitha'iki jaboni ida vakadikanikhari va'ora okajoamorara kaimoni - niha ada Deus.
18 Hari. Saua binoki'aha ada Samuel, binana'dohi'aha:
- Ada hanaja hojaha Deus athi namoniva abono?
19-27 Hovani mani Deus athi namoniva abono ho. Hari'a va'ora kava'ibodivaraniha'oadaha adani jumento. Kadaija'ari va'ora karaga'iki adani - Samuea bini'aha.
Hari. Oniaroa Samuel va'ora naamina'aha adanin Saul, ija'ari vaipohiki vahoariha jaboni ihinika kania avikhara kaimoni. Oniaroa, avikhara kaimoni. Oniaroa, avikha'aha. Ihinika kania vahoja'ina Samuel bikanikharia'ihi ida baimana akaiki jahaki Saul kaimoni. Samuel bino'a'aha.