Samuea binava'isohijoravini hiki ida namithaki kaimoni Saul kania
10
Hari. Ka'afokajomani vani va'ajihi'aha adani Saul. Samuel okha'iki vakadiania hagihia afopa'itxi. Vaadahapa'itxi'aha, Samuea bini'aha ada Saul:- Ihonaria bana ada kadahonai abono okhananavapa'itxina.
Ajihina naothinia Samuea bikanaibavi'ihi ida basina kapa'itxi Saul ka'da'dia. Biramosi'aha ada Saul. Bini'aha:
- Okanaibavi'iki hida basina kapa'itxi ika'da'dinia. Deus kaija'ari vakadika'da'di ihini karajomini hida basina ika'da'dinia okanaibaviki. Deus vani ira nagathogathoja, kidija'ari va'ora ivaka'da'dira kaimoni. Va'ora iakava'ijoaki bana adani kidija'ari filisteus vasa'a kabodinia. Mitha ini'a bana hida oathi manija Deus ira bana hida oathi mahija Deus ira nagathogathovini-ra iogavini. Niki namithaki bana kadania hidakaba'i.
2 Va'ora avakaraga'imidiaki bana adani makhira vi'bamiki. Ira vananamithaki bana adani jumento karagai vihi'ina. Kadabi'i ira akavida'iki i jaboni.
3-4 Naothinia avaabononi avakakaragararikhamaki bana adani makhira avahoarabakosiki. Hoarana va'ora kaiba'iki adani cabrito avahoarabakosiki. Hoariha biakaiba'iki bana ida pão akahoarabakosiki. Hoariha bikaiba'iki bana ida vinho bavini. Ira vaka'ivanitiki bana adani, ira vano'aki bana adani pão ko'bamikia. Iagathani bana hida pão.
5-6 Iadaha'ianahi, avaabononi avakakaragararikhamaki bana adani Deus athi namoniva abono. Vakana'ithoki ada moro. Vara vavani'aki jaboni ida Deus athi. Oniaroa Deus Ma'onahana ira avi'onaniki bana i. Deus athi namoniva abono vakadiania vara ivani'aki bana jaboni ida Deus athi. Oniaroa Deus Ma'onahana bianabosiki ida kadamahi.
7 Niki namithahi kadania, inamonaha bana ida badani Deus ira nanokiahivini hiki. Deus kadania hojaki bana.
8 Okha'a bana oviaha Gilgal sidajia. Onia bana ariabono aakaragararikhamaki bana hari, Deu-ra okanava'igaja kaimoni. Hora nokha bana 7 mahi ipohini, ira onava'isohija kaimoni nahina bada ini'aki kaimonia.
Hari, ida vani oamani Samuel Saul-ra nava'isohijoravini.
9-16 Hari. Saul ajihi'aha. Deua bianabosi'ihi ida kidiva'ibodivarani. Oniaroa namitha'ihi ida Samuea bini'a'iki afohahavi kidiania.
Israel kaija'ari vakadika'da'di ada Saul
17-19 Hari. Samuel va'ora najoroni'iki adani Israel kaija'ari hahavi Mispa sidajia. Va'ora ni'aha:
- Niki ida deus athi: “Hovani va'ora oani'ara adani avakadija'ari avikhananavaki Egito kaarabonia. Va'ora oakava'ijoa'iki adani jaboni Egito kaarboni kaija'arini, ija'ari vahoariha vasa'a kabodinia. Hovani avakadiDeus ho, avakadi'akava'ijoahi abono ho. Kaba'i, hora avanofirihi. Hidakaba'i avakanikharia'iki ada ka'da'di hoariha. Vajoroni oviaha. A'onira onankiahivini hiki ada ka'da'di onagathogatho'iki avadimoni.” Niki ida Deus athi - niha ada Samuel.
20-23 Hari. Oniaroa Deus va'ora nanamithavini hi'iki ada Saul vakadika'da'di kaimoni hina. Oniania vanako'di'aha ada Saul. Ni-vakaraga'iki. Ahojamaniha ada Saul. Oniaroa, Deus va'ora nava'isohi'aha hanaja Saul abono-ra anahojavini. Jorakia avanikha'aha. Makhira nama hiki ada Saul. Makhira vahoariha-ra aradaki ada.
24-25 Oniaroa Samuea bini'aha:
- Hida hojaki ada makhira Deua binagathogatho'iki avakadika'da'di hira kaimoni. Ni-hojaki ada makhira ovari fori hiki ahararana-niha ada Samuel. Oniania ija'aria vavajahahi ida Saul va'ora vaka'da'divini, oniani ida khai va'ora ni'aja. Vabodi'barahana:
- Oadava bana hida kidimahi!
26 Hari. Va'ajihina kaba'i, Deua va'ora honaria'aha adani makhira vaofiniriki Sau-ra vavaipohihara kaimoni.
27 Vahojaki jaboni adani ija'ari vajahariki, vakaihimora'aha ada Saul. Ni-vanofiki ada Saul vakadika'da'di kaimoni hina, oniani ida vakanava'igaravini hija.